Ezai 41:16 - Labib An Kreol Seselwa

¹⁶ Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 41:16 ပူးပေါင်းရင်းမြစ်များ

Psonm 1:4

I pa parey bann malfeter: Zot koman lapay ki voltize dan divan.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 28:5

Sa zour, SENYER liniver pou li menm sa zoli kouronn, en dyadenm pour leres son pep.

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Ezai 29:5

Me sa kantite lennmi ki ou annan, pou parey lapousyer fen; sa kantite tiran diktater pou parey bren lapay dan divan. Alor, en sel kou,

Ezai 35:10

Tou bann ki SENYER in libere pou retournen. Zot pou ariv Siyon dan lazwa. Zot figir pou reyonnen avek en boner san limit. Zot pou ranpli avek en gran lazwa. Soufrans ek latristes pou'n disparet.

Ezai 40:24

Zot parey bann zenn plant: Apenn ki zot in ganny plante, apenn senmen, zot tron pa'n ni ganny letan pour pran rasin, deza SENYER in soufle lo zot, e fer zot fletri e zot anvole dan tourbiyon parey lapay.

Ezai 51:3

SENYER pou konsol Siyon. I pou pran pitye pour bann landrwa devaste. I pou fer bann dezer vin parey zarden Edenn, parey zarden SENYER. I pou reganny lazwa ek kontantman; avek bann kantik louanz ek psonm.

Ezai 60:19

Soley pa pou ekler ou pandan lazournen, ni lalin pandan lannwit. Me SENYER li menm ki pou ou lalimyer pour touzour; laglwar Bondye ki pou ekler ou.

Ezai 65:18

Me rezoui e viv dan lazwa pour touzour dan sa ki mon pe kree: Mon pe al fer Zerizalenm vin lazwa e son bann zabitan, en plezir.

Zeremi 15:7

Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 51:2

Mon pou anvoy bann etranze kont Babilonn ki pou vid sa pei. Zot sorti dan tou kwen. Sa zour la, zot pou vin par tou kote e zot pou ravaz pei.

Zeremi 51:20

SENYER i deklare: Babilonn! Ou menm mon marto, mon zarm lager. Avek ou, mon'n kraz bann nasyon, e detri bann rwayonm.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Danyel 2:35

Alor, fer, later, bronz, larzan ek lor, ti ganny kraze e vin lapousyer. Zot ti anvole parey lapay, ler ou bat dible. Divan ti balye zot san kit okenn latras. Me sa ros ki ti tap sa stati ti vin en gran montanny ki ti ranpli later antye.

Oze 11:9

Mon pa pou les monte mon gran lakoler; mon pa pou detri Efraim ankor; akoz mon pa en zonm, mwan Bondye, sa Enn ki sen i parmi zot, mon pa pe vin kot zot avek lakoler.

Zoel 2:23

Zot bann zabitan Siyon! Rezoui dan SENYER, zot Bondye. In fer tonbe lapli apre lasesres; in fer tonbe lapli annabondans: Lapli pour sak sezon, parey avan.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Habakouk 3:18

Sepandan, mon pou dan lazwa akoz SENYER; mon pou zwaye akoz Bondye i mon sover.

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.