Ezai 41:13 - Labib An Kreol Seselwa

¹³ Mwan menm SENYER ou Bondye ki tenir ou par ou lanmen drwat e dir ou: Pa bezwen per, mon la pour sekour ou.

Ezai 41:13 ပူးပေါင်းရင်းမြစ်များ

Psonm 109:31

I debout lo kote drwat bann malere pour sov zot kont sa bann ki oule kondann li anmor.

Psonm 118:7

SENYER i lo mon kote pour ed mwan; mon pran plezir war defet mon lennmi.

Psonm 63:8

Mon atase avek ou; ou lanmen pwisan i soutenir mwan.

Psonm 73:23

Pourtan, mon touzour reste atase avek ou; ou atrap mon lanmen drwat.

Egzod 14:13

Moiz ti dir pep Izrael, “Pa per! Reste debout e regarde ki mannyer SENYER pou sov zot ozordi. Sa bann Ezipsyen ki zot war ozordi pou disparet.

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 42:6

Mwan SENYER, mon'n apel ou dapre lazistis. Mon'n pran ou par lanmen e protez ou; mon'n swazir ou pour ou vin en lalyans pour lepep, en lalimyer pour bann nasyon,

Ezai 43:6

Avek Nor, mon pou dir: Rann zot! Avek Sid: Pa gard zot! Retourn mon bann garson ki dan pei lwenten e mon bann fiy ki dan bout later.

Ezai 45:1

La sa ki SENYER i deklare avek sa enn ki'n resevwar son lonksyon: Siris, sa enn ki i'n sezi par son lanmen drwat, pour met bann nasyon anba son pouvwar, pour tir batan bann laport devan li, pour detri pouvwar bann lerwa, pour ki bann laport pa reste fermen devan li:

Ezai 51:18

Parmi tou bann zanfan ki i'n fer, napa personn pour gid li. Parmi tou bann zanfan ki i'n elve, napa enn ki pou atrap son lanmen.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 46:27

Me ou, Izrael, mon serviter! Mon pep! Pa bezwen per! Pep Izrael! Pa perdi kouraz! Mon pou sov ou, mon pou fer ou sorti dan pei lwenten, pei kot ou prizonnyen. Ou pou retourn dan ou pei kot ou ava viv anpe; ou pou an sekirite e personn pa pou vin fer ou per.

Agze 2:5

dapre sa promes ki mon ti fer kan zot ti sorti Lezip. Pa per, mon avek zot.

2 Timote 4:17

Me Senyer in ed mwan e i'n fortifye mwan. Konmsa, mon'n kapab anons son mesaz e fer tou bann nasyon tande e ganny delivre dan lagel lyon.