Ezai 41:11 - Labib An Kreol Seselwa

¹¹ Tou bann ki fase avek ou pou ganny kouver avek laont ek imilyasyon. Tou bann ki pe rod fer lager kont ou pou ganny detri e disparet.

Ezai 41:11 ပူးပေါင်းရင်းမြစ်များ

Egzod 11:8

Tou dimoun dan ou lantouraz pou vin prosternen devan mwan. Zot pou dir: Ale! Al avek tou ou pep ki pe swiv ou. Apre sa, mon pou ale”. Moiz ti sorti kot Faraon dan en gran lakoler.

Egzod 12:29

Minwi, SENYER ti touy tou bann premye ne dan Lezip, depi premye ne Faraon ki asiz lo son tronn, ziska premye ne sa prizonnyen dan son kaso, e premye ne bann zannimo.

Egzod 23:22

Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 29:5

Me sa kantite lennmi ki ou annan, pou parey lapousyer fen; sa kantite tiran diktater pou parey bren lapay dan divan. Alor, en sel kou,

Ezai 29:7

Alor, tou sa bann nasyon ki fer lager kont Ariel, tou bann larme ki fer lager kont li ek son bann fortifikasyon, bann ki pa oule i egziste, tousala, pou disparet parey en rev, en vizyon dan lannwit.

Ezai 29:8

Parey ler en dimoun lafen ki reve i pe manze, ler i leve e i ankor lafen; oubyen en dimoun swaf ki reve i pe bwar; kan i leve fatige, son lagorz i sek. I pou parey sa gran kantite nasyon ki fer lager kont montanny Siyon.

Ezai 34:12

Pou nepli annan bann nob pour swazir lerwa e bann sef pou nepli.

Ezai 40:17

Bann nasyon, zot nanryen ditou devan li. Dan son lizye, zot pou mwens ki nean.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 41:24

Zot pa vo nanryen. Zot pa kapab fer nanryen. Swazir ou koman son bondye, i en keksoz degoutan.

Ezai 41:29

Zot tou, zot en bann nanryen ditou; zot travay pa vo nanryen; zot bann zidol i vid, zot en nanryen ditou.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Ezai 49:26

Mon pou fors bann ki kraz ou, manz zot prop laser e bwar zot prop disan konmsi diven. Alor, tou et vivan ava konnen ki mwan menm zot SENYER, zot Sover e zot Redanmter, Bondye pwisan dan Zakob.

Ezai 54:15

Si ou ganny atake, sa pa pou sorti kot mwan; sa enn ki pou oule fer konplo kont ou ki pou tonbe akoz ou.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Zeremi 12:17

Me si zot pa oule obei mwan, alor mon pou derasin zot definitivman e detri zot totalman, SENYER i deklare.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Zakari 12:3

Sa zour, mon pou fer Zerizalenm vin parey en gro ros lour. Dimoun ki pou esey lev li pou ganny blese. Tou bann nasyon lo later pou ralye kont li.

Akt de Zapot 16:39

Zot ti vin demann eskiz. Apre, bann mazistra ti fer zot sorti dan prizon e sipliy zot pour kit lavil.

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.