Ezai 41:1 - Labib An Kreol Seselwa

¹ La sa ki SENYER i deklare: Bann zil! Gard silans pour ekout mwan! Bann pep! Repran zot lafors. Aprose e koze! Ansanm, annou apros devan tribinal.

Ezai 41:1 ပူးပေါင်းရင်းမြစ်များ

Liv Zob 38:3

Met ou pare konman en zonm. Mon pou kestyonn ou e ou ava reponn mwan.

Psonm 46:10

Arete! Konnen ki mwan menm Bondye. Mon domin lo tou nasyon; mon domin lo later antye.

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 34:1

Aprose bann nasyon! Vin ekoute! Bann pep! Port atansyon! Later avek tou son konteni! Ekoute! Lemonn avek tou sa ki i prodwi! Ekoute!

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 41:5

Bann zil in war e zot per; later antye i tranble. Zot pe aprose, zot pe vini.

Ezai 43:26

Fer mwan rapel kwa ou repros mwan! Annou al devan ziz. Prezant ou ka e prouve ki ou annan rezon.

Ezai 43:9

Reini tou bann nasyon! Rasanble tou bann pep! Lekel parmi zot ti deklare e dir nou davans sa ki ti pou arive? Anmenn zot bann temwen pour prouve ki zot annan rezon! Annou les bann temwen ekout zot e dir: Sa i vre!

Ezai 48:16

Apros kot mwan! Ekout mwan! Depi konmansman mon pa'n koz an sekre. Mon ti la byen avan tousala. Aprezan, Senyer BONDYE in anvoy mwan avek son lespri.

Ezai 49:1

Zabitan bann zil! Ekout mwan. Bann pep ki reste lwen! Port atansyon. SENYER in apel mwan avan ki mon ti ne; in apel mwan depi dan vant mon manman.

Ezai 50:8

Sa enn ki pou fer mwan zistis i pros. Lekel ki pou afront mwan? Annou debout ansanm! Lekel mon lennmi? Les li vin konfront mwan.

Habakouk 2:20

Me SENYER i prezan dan son tanp sen. Later antye! Fer silans devan li.

Zakari 2:13

Gard silans devan SENYER, akoz in leve sorti dan son sanktyer sakre.