Ezai 40:7 - Labib An Kreol Seselwa

⁷ Zerb i sek e fler i fletri ler SENYER i soufle lo zot. Vreman, lepep i parey zerb.

Ezai 40:7 ပူးပေါင်းရင်းမြစ်များ

Liv Zob 14:2

I pouse parey en fler, apre i fletri. I disparet parey en lonbraz e i pa dire.

Liv Zob 4:9

Bondye i soufle lo zot e zot disparet. Zot ganny detri par divan son lakoler.

Liv Zob 41:21

Son lalenn i fer alimen sarbon, en laflanm i sorti dan son lagel.

Psonm 102:4

Mon leker in ganny atake e i fletri parey zerb; mon'n perdi lanvi manze.

Psonm 103:15

Zonm! Son lavi i parey zerb; i parey en fler ki'n fleri dan laplenn:

Psonm 103:16

Koman divan i soufle, i disparet e personn pa rekonnet kot i ti ete.

Psonm 90:5

Ou balye zot parey en sonmey ki pase, parey zerb ki pouse bomaten.

Psonm 90:6

Bomaten i fleri, i fini; aswar, i fannen e i sek.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 37:27

Tandis ki zot bann zabitan nepli annan lafors; zot per e zot dan konfizyon. Zot in vin koman bann plant dan laplenn e frazil koman zerb koman gazon lo twa lakaz ki ganny brile avan i pouse.

Ezai 40:24

Zot parey bann zenn plant: Apenn ki zot in ganny plante, apenn senmen, zot tron pa'n ni ganny letan pour pran rasin, deza SENYER in soufle lo zot, e fer zot fletri e zot anvole dan tourbiyon parey lapay.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Agze 1:9

Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Let Zak 1:10

Okontrer en frer ki ris, i devre santi li fyer si Bondye i abes li, akoz bann ris pou disparet parey plant sovaz:

Let Zak 1:11

Soley i leve, son gro lasaler i bril sa plant; sa fler i tonbe e son labote i disparet. Demenm, en ris pou disparet dan milye son bann zafer.