Ezai 40:30 - Labib An Kreol Seselwa

³⁰ Menm lazenes pou afebli e fatige e bann zennzan pou zis tonbe.

Ezai 40:30 ပူးပေါင်းရင်းမြစ်များ

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Psonm 34:10

Bann zenn lyon i konnen kisisa bezwen ek lafen. Me sa enn ki obei SENYER pa mank nanryen.

Psonm 39:5

Letan ki ou'n donn mwan pour viv i en pe plis ki larzer en lanmen. Devan ou, sa i nanryen ditou: Lavi en imen i zis en respirasyon.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Ezai 13:18

Zot pou zet ater bann zennzan avek zot dart; zot pou san pitye anver bann ti baba; zot pou kriyel anver bann zanfan.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Zeremi 48:15

Lennmi in atak bann lavil; zot in detri Moab. Son bann meyer zennzan in ganny masakre. Lerwa ki apel SENYER liniver, i deklare.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Amos 2:14

Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

1 Samyel 30:10

David avek 400 zonm ti kontinyen pourswiv lennmi; me 200 zonm ti tro fatige pour kontinyen.