Ezai 40:3 - Labib An Kreol Seselwa

³ En lavwa i kriye: Prepar en semen dan dezer pour SENYER; nivle en larout pour nou Bondye.

Ezai 40:3 ပူးပေါင်းရင်းမြစ်များ

Psonm 68:4

Sant pour Bondye! Loue son non par bann kantik! Sant en kantik pour sa enn ki vini dan nyaz lo son kales. SENYER i son non. Selebre avek lazwa devan li!

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 40:4

Tou bann vale pou ganny Konble; tou bann montanny ek tou kolin pou ganny aplati; bann teren abos pou vin drwat; la kot i annan bann ros pou vin plat.

Ezai 43:19

Mon pe al fer keksoz nouvo; deza i pe konmans bourzonnen; ou devre rekonnet! Mon pou tras semen dan dezer e fer sours delo koule dan bann landrwa sek.

Ezai 49:11

Mon pou transform montanny e fer semen; mon pou refer bann grannrout.

Ezai 57:14

I pou ganny dir: Repar semen, degaz lari, tir tou bann lobstak lo semen mon pep.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Levanzil dapre Zan 1:23

Zan ti reponn zot par en parol profet Ezai: Mwan, mon en lavwa ki pe kriye dan dezer: Prepar en semen byen drwat pour Senyer.