Ezai 40:22 - Labib An Kreol Seselwa

²² Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 40:22 ပူးပေါင်းရင်းမြစ်များ

Zenez 1:6

Alor, Bondye ti dir: I ava annan en twa pour separ bann delo!

Liv Zob 22:14

Ler i pronmnen dan lesyel, bann gro nyaz i anpes li war.

Liv Zob 26:7

I'n plas kote Nor lesyel dan vid, e fer later sispann dan nean.

Liv Zob 36:29

Lekel ki kapab konpran mouvman bann nyaz, bann tapaz loraz kot i reste?

Liv Zob 37:18

Eski ou kapab kre lesyel parey li e fer li klate parey en laglas an metal?

Liv Zob 9:8

Li tousel, i ti tal lesyel e mars lo bann laroul dan lanmer.

Psonm 104:2

Lalimyer i anvlop ou parey en dra; ou'n etal lesyel parey en tapi.

Psonm 18:11

I ti anvlop li dan fernwanr. Bann nyaz epe, ranpli avek delo ti antour li.

Psonm 19:4

Me zot mesaz i ganny tande partou lo later. Zot parol i fer letour lemonn. Bondye in dres en latant pour soley.

Psonm 2:4

Depi son tronn dan lesyel kot i asize, SENYER i riye, i pa pran ka.

Psonm 29:10

SENYER i lo son tronn par lao delo. SENYER i lerwa pour touzour.

Psonm 68:33

Atraver lesyel lo son kales, i fer tande son lavwa pwisan.

Proverb 8:27

Mon ti la, kan i ti fikse lesyel; kan i ti tras en serk lo lafas lanmer.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezai 40:15

Bann nasyon i parey en gout delo obor en seo. Zot pa pez plis ki lapousyer dan en balans. Zabitan bann zil pa pez plis ki en gren lapousyer ki anvole.

Ezai 40:17

Bann nasyon, zot nanryen ditou devan li. Dan son lizye, zot pou mwens ki nean.

Ezai 42:4

I pa pou dekouraze ni abandonnen, ziska ki i etabli lazistis lo later; bann pei lwenten pe esper son lansennyman.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 51:13

Ou'n oubliy SENYER, ou Kreater, ki'n tal lesyel e met fondasyon later. Ou kontinyen per tou lazournen devan lakoler bann diktater ki mazin zis detri ou. Me kote lakoler sa diktater in ale?

Ezai 66:1

La sa ki SENYER i deklare: Lesyel i mon tronn e later i la kot mon poz mon lipye. Ki kalite lakaz zot pou konstri pour mwan? Kote zot pou fer mwan repoze?

Zeremi 10:12

Par son pwisans SENYER in kre later. Par son lasazes i ti kre lemonn e son lentelizans in etal lesyel.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Nonm 13:33

Nou'n menm war bann zean, desandan Anak. Nou ti parey bann sotrel dan bor zot; nou krwar ki zot osi zot ti war nou konmsa.