Ezai 40:10 - Labib An Kreol Seselwa

¹⁰ La Senyer BONDYE pe vini avek pwisans. Son lebra i donn li tou dominasyon. I anmenn saler son travay e son rekonpans i devan li.

Ezai 40:10 ပူးပေါင်းရင်းမြစ်များ

Zenez 15:1

Apre sa bann levennman, SENYER ti koz avek Abranm dan en vizyon. I ti dir li, “Abranm! Pa bezwen per. Mwan ou boukliye dan danze. Mon pou donn ou en gran rekonpans.”

Psonm 110:6

I pou ziz bann nasyon. Kadav i partou. Partou lo later, bann sef i ganny touye.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Ezai 28:2

En zonm ki for e pwisan pe vini pour SENYER. I parey en lapli lagrel, en tanpet devastater; parey en gro tanpet ki fer larivyer deborde. Avek lafors son lanmen, i pou balans tou lo later.

Ezai 33:2

SENYER! Pran pitye pour nou! Nou'n met nou konfyans dan ou. Ou ki nou lafors tou le bomaten, nou sover dan letan maler.

Ezai 49:4

Me mon ti pe dir: Mon'n travay dir pour nanryen. Mon'n depans mon lafors pour bann keksoz initil. Pourtan, mon ti konnen ki SENYER ki pran ka pour mwan e ki mon rekonpans i avek Bondye.

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 53:12

Pour sa rezon ki mon pou donn li en par avek bann gran. I ava ganny en parti larises bann lennmi. I'n depouy li ziska lanmor e i ti'n ganny plase parmi bann bandi. Sepandan, i'n pran lo li pese en kantite dimoun e pled pour bann kriminel.

Ezai 59:15

Laverite in disparet; sa enn ki oule reste onnet i ganny depouye. SENYER in war li e in mekontan ki ti napa lazistis.

Ezai 59:16

I ti war ti napa personn e i ti tris ki ti napa personn pour entervenir. Alor, son lebra ti donn li laviktwar; son lazistis ki ti soutenir li.

Ezai 59:18

I ava rann sakenn dapre sa ki i merite; montre gro lakoler kont son bann ladverser e vanz kont son bann lennmi, menm kont zabitan bann zil.

Ezai 62:11

SENYER in proklanmen partou lo later: Al dir avek bann zabitan Siyon: Ou delivrans pe vini, ou lapey i avek li; ou rekonpans pe vini.

Ezai 63:5

Mon ti gete; me ti napa personn pour ed mwan! Mon ti rod led, me personn pa ti soutenir mwan. Alor, mon lebra ki ti donn mwan laviktwar, mon lakoler ki ti soutenir mwan.

Zeremi 31:16

Me la sa SENYER i deklare: Aret plere, eswiy ou bann larm. Tou sa ki ou'n fer pou ganny rekonpanse. Ou bann zanfan pou sorti dan pei lennmi. Zot pou retourn dan zot pei, SENYER i deklare.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Levanzil dapre Zan 12:13

Alor, zot ti pran bann brans palmye e sorti pour al zwenn li an kriyan: Ozana! I ganny beni, sa enn ki vin lo non Senyer, Lerwa pep Izrael!

Levanzil dapre Zan 12:15

Pa per, fiy Siyon! La ou Lerwa pe vini; i pe asiz lo en femel bourik.

Ebre 2:14

Alor, parey zanfan i annan an komen disan ek laser, Zezi osi, i'n partisip dan menm kondisyon. I'n pran natir imen, pour ki par son lanmor, i detri sa enn ki annan pouvwar donn lanmor, setadir dyab.

1 Zan 3:8

Sa enn ki kontinyen fer pese i pour dyab, akoz dyab in fer pese depi o konmansman! Rezon akoz Garson Bondye in vini, se pour detri bann travay dyab.

Revelasyon 17:14

Zot pou konbat kont Zenn Mouton; me Zenn Mouton ki pou ganny laviktwar lo zot, akoz i Senyer tou senyer e Lerwa tou lerwa. I pou ganny laviktwar ansanm avek bann ki'n ganny apele, ki'n ganny swazir e ki fidel.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Revelasyon 22:12

Zezi ti azoute: Mon pe vini byento. Mon pou anmenn avek mwan mon rekonpans pour mwan pey sakenn dapre son bann aksyon.