Ezai 4:4 - Labib An Kreol Seselwa

⁴ Apre, SENYER ava lav salte bann zabitan Siyon e netway disan ki dan Zerizalenm par en souf lazistis e destriksyon.

Ezai 4:4 ပူးပေါင်းရင်းမြစ်များ

Psonm 51:2

Lav mwan e retir mon bann fot. Pirifye mwan e anlev tou mon pese.

Kantik Salomon 3:11

Bann fiy Zerizalenm! Sorti! Vin admir lerwa Salomon. I'n met kouronn ki son manman ti donn li zour son maryaz, sa zour ki ti fer lazwa son leker.

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Ezai 1:25

Mon pou vir kont ou. Mon pou pirifye ou dan dife, mon pou tir tou ou bann lenpirte.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 28:6

I pou enspir lazistis dan sa enn ki asiz pour rann zizman, en lafors pour sa bann ki repous lennmi devan laport lavil.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Ezai 9:5

Akoz tou bann bogi lennmi ki ti fer tranble later, tou bann liniform ki'n tase avek disan, in ganny servi pour fer en gran dife avek.

Zeremi 9:6

Zot fer aksyon vyolan enn deryer lot. Zot koz manti tou lazournen. Zot refize rekonnet mwan koman zot Bondye, SENYER i deklare.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Ezekyel 22:15

Mon pou dispers zot parmi bann nasyon e atraver bann pei e mon pou debaras zot avek zot bann aksyon enpir.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 36:29

Mon pou delivre zot avek tou sa ki rann zot enpir. Mon pou fer dible pouse e donn zot bon rekolt. Mon pa pou fer zot konn lafanmin ankor.

Zoel 3:21

Mon pa pou pini zot; mon pou deklar zot inosan. Mwan, SENYER, mon pou fer mon demer dan Siyon.

Sofoni 3:1

Maler lo lavil rebel, lavil koronpi, lavil diktater!

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

Zakari 13:9

Mon pou zet sa dernyen tyer dan dife. Mon pou fer li fonn parey ou fer fonn larzan. Mon pou teste li parey ou teste lor. I pou envok mon non e mon pou egzos li. Mon pou dir: Ou menm mon pep! Zot ava reponn: SENYER ki nou Bondye!

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!