Ezai 4:2 - Labib An Kreol Seselwa

² Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

Ezai 4:2 ပူးပေါင်းရင်းမြစ်များ

Psonm 67:6

Later in donn son bann rekolt; Bondye, nou Bondye in beni nou.

Psonm 72:16

Fer sa pei prodwi en kantite dible e bann kolin ava kouver avek bann zepi e son bann fri ava parey sa bann ki sorti Liban! Fer bann lavil ranpli avek zabitan parey zerb dan laplenn.

Egzod 28:2

Ou ava fer bann labiyman sakre pour ou frer Aaron, pour mark son loner ek son dinyite.

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 26:1

Sa zour, dan pei Zida, zot pou sante: Nou annan en lavil ki byen for. SENYER in antour li avek bann miray ek bann fortifikasyon.

Ezai 27:6

Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Ezai 45:8

Lesyel! Fer tonbe lazistis parey laroze. Bann nyaz ava fer tonbe satiman parey lapli. Later! Ouver e les delivrans fleri e fer bourzonnen lazistis. Mwan SENYER ki'n kree tousala.

Ezai 53:2

I'n grandi devan li parey en pti plant byen feb, parey en rasin ki sorti dan en later desese. I ti napa okenn laparans, ni labote ki pou atir nou latansyon; ti napa nanryen pour atir nou ver li.

Ezai 60:15

Otrefwa, ou ti'n ganny abandonnen, ai, deteste, san personn pas kot ou. Me aprezan, mon pou fer ou vin gran pour touzour, en rezon selebrasyon pour bann zenerasyon pour touzour.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 61:11

Akoz parey later i fer lagrenn zermen, parey en zarden i fer pouse son bann legren, Senyer BONDYE pou fer lazistis ek louanz zermen devan tou bann nasyon.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Zeremi 33:15

Dan sa bann zour e dan sa letan, mon pou swazir en vre desandan pour David. I pou fer respekte lalwa ek lazistis partou dan pei.

Zeremi 44:14

Konmsa, bokou parmi sa bann ki ti ankor vivan dan pei Zida e ki'n al reste Lezip pa pou kapab sove, ni sov zot lavi, sof en pti group refizye.

Zeremi 44:28

Sof en pti group ki pa pou ganny eksterminen, e ki pou kit Lezip pour retourn Zida. Me sa restan dimoun ki sorti Zida e ki'n vin viv dan pei Lezip pou rekonnet lekel parol ki pe ganny realize: Mon parol, oubyen zot parol!

Ezekyel 34:29

Mon pou fer zot bann plantasyon vin renonmen; zot pou nepli soufer lafen dan sa pei e zot pa pou kontinyen ganny ensilte par lezot nasyon.

Ezekyel 36:8

Me zot, montanny Izrael, zot pye dibwa pou bourzonnen e raport fri pour mon pep Izrael. Byento sa pou arive.

Ezekyel 7:16

Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Zoel 3:18

Sa zour, diven ek dile pou koule sorti lo montanny. Delo pou koule dan tou bann larivyer dan Zida. En sours pou sorti dan tanp SENYER; i pou aroz bann landrwa sek.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Zakari 3:8

Zozye! Ou ki Gran-Pret! Mon demann ou, ek ou bann koleg ki asiz devan ou, mon demann ou ekoute aprezan. Sa bann zonm i anons lavenir: Mon pe fer vin mon serviter ki apel Bourzon.

Zakari 6:12

Ou ava dir li: La sa ki SENYER liniver i deklare: La en zonm ki apel Bourzon Kot i ete i pou prodwir lavi e i pou konstri tanp SENYER.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

2 Pyer 1:16

Annefe, nou pa'n baz nou lo bann fab konplike pour fer zot konn retour pwisan nou Senyer Zezi-Kri. Nou'n war son grander avek nou prop lizye.