Ezai 39:7 - Labib An Kreol Seselwa

⁷ Serten parmi ou bann prop garson ki ou'n fer, pou ganny anmennen; zot pou servi koman enik dan pale lerwa Babilonn.”

Ezai 39:7 ပူးပေါင်းရင်းမြစ်များ

2 Rwa 24:10

Dan sa lepok, bann serviter Naboukodonozor, lerwa Babilonn ti al atak Zerizalenm, e zot ti anserkle lavil.

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

2 Rwa 24:15

I ti anvoy Yoyakin annegzil Babilonn. I ti osi anmenn manman lerwa, bann fanm lerwa, son bann o zofisye ek bann dimoun enportan dan pei, annegzil sorti Zerizalenm pour Babilonn.

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

2 Kronik 36:20

Lerwa ti deport Babilonn tou bann ki pa ti'n ganny touye. Zot ti vin son lesklav e lesklav son bann garson, ziska ki rwayonm Lapers ti ganny etabli,

Zeremi 39:7

Apre, i ti fer krev lizye Sedesyas, fer atas li avek lasenn an bronz e fer anmenn li Babilonn.