Ezai 39:3 - Labib An Kreol Seselwa

³ Profet Ezai ti al kot lerwa Ezekyas. I ti dir li, “Ki sa bann zonm in dir? Kote zot sorti?” Ezekyas ti reponn, “Zot sorti dan en pei lwen, Babilonn, pour zot vin war mwan.”

Ezai 39:3 ပူးပေါင်းရင်းမြစ်များ

2 Samyel 12:1

SENYER ti anvoy Natan kot David. Natan ti ariv kot David. I ti dir li, “Ti annan de zonm dan en menm lavil; enn ti ris, lot ti pov.

2 Kronik 16:7

Dan sa letan, profet Anani ti al war lerwa Asa. I ti dir li: Akoz ou'n met ou konfyans dan lerwa Siri olye lo SENYER, ou Bondye; larme Siri in sape anba ou kontrol.

2 Kronik 19:2

Profet Yehou, garson Hanani, ti vin zwenn li. I ti dir lerwa Zozafat, “Eski ou devre port sekour en move dimoun? Eski ou devre kontan en dimoun ki deteste SENYER? Akoz sa, SENYER i ankoler avek ou.

2 Kronik 25:15

Alor, SENYER ti ankoler kont Amasya e anvoy en profet demann li, “Akoz ou'n al ver bondye sa pep, ki li menm pa'n kapab delivre son pep dan ou lanmen?”

Ezai 38:1

Dan sa letan, Ezekyas ti tonm malad e i ti pre pour mor. Profet Ezai, garson Amoz ti vin kot li. I ti dir li: La sa ki SENYER i deklare: Met lord dan ou bann zafer, akoz ou pou mor; ou pa pou geri.

Ezai 38:5

Al dir Ezekyas: La sa ki SENYER, Bondye ou zanset David i deklare: Mon'n antann ou lapriyer. Mon'n war ou bann larm; mon pou azout 15 an lo ou lavi.

Ezai 39:4

Ezai ti dir, “Ki zot in war dan ou pale?” Ezekyas ti reponn, “Zot in war tou sa ki dan mon pale. Napa nanryen dan mon bann magazen ki mon pa'n montre zot.”

Zeremi 4:16

Zot pe vin averti bann nasyon e fer Zerizalenm konnen ki lennmi pe vini, sorti lwen.

Zeremi 5:15

Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.

Zozye 9:6

Zot ti al war Zozye dan kan Gilgal. Zot ti dir li ensi ki bann Izraelit, “Nou sorti dan en pei lwen. Aprezan, fer en lalyans avek nou.”

Zozye 9:9

Zot ti dir li, “Nou ou bann serviter, nou sorti dan en pei tre lwen. Akoz non SENYER, zot Bondye, ki nou'n antann koz lo li ek tou sa ki i'n fer Lezip,