Ezai 39:2 - Labib An Kreol Seselwa

² Ezekyas ti byen akey zot. I ti montre zot, tou son bann trezor: Larzan, lor, bann zepis, bann delwil parfimen, tou son bann magazen zarm ek tou sa ki ti dan son bann kof. Ezekyas pa ti kasyet nanryen; i ti montre zot tou sa ki ti annan dan son pale e dan tou son rwayonm.

Ezai 39:2 ပူးပေါင်းရင်းမြစ်များ

1 Rwa 10:10

I ti ofer lerwa trwa tonn edmi lor, en kantite zepis ek pyer presyez. Zot pa ti zanmen ganny otan zepis ki sa ki larenn Saba ti ofer lerwa Salomon.

1 Rwa 10:15

San kont sa ki i ti gannyen dan komers avek bann marsan, bann lerwa etranze ek bann gouverner pei.

1 Rwa 10:2

I ti ariv Zerizalenm avek en gran delegasyon, avek samo sarze avek en varyete zepis, en kantite lor, avek bann pyer presyez. Ler i ti ariv kot Salomon, i ti kestyonn li lo tou sa ki i ti mazinen.

1 Rwa 10:25

Sakenn ti anmenn bann kado, bann lobze annarzan oubyen annor, lenz, lamir, zepis, seval ek bourik. Zot ti fer sa tou le zour.

2 Rwa 20:13

Ezekyas ti byen akey zot. I ti montre zot tou son bann trezor, larzan, lor, bann zepis, bann delwil parfimen, son bann magazen zarm ek tou sa ki ti dan son bann kof. Ezekyas pa ti kasyet nanryen; i ti montre zot tou sa ki ti annan dan son pale e dan son rwayonm.

2 Kronik 32:25

Me Ezekyas pa ti montre rekonesans pour benediksyon ki i ti gannyen; i ti plito montre larogans. SENYER ti ankoler kont li, kont Zida e kont Zerizalenm.

2 Kronik 32:27

Ezekyas ti tre ris e zot ti kouver li avek gran loner. I ti fer konstri plizyer kof for pour plas son trezor: Larzan ek lor, pyer presyez, lesans, bann boukliye ek toudsort lobze valer.

2 Kronik 32:31

Me dan zafer bann anbasader ki ti sorti Babilonn, Bondye ti les li lib pour teste li, pour war tou sa ki i ti annan dan fon son leker. Bann sef Babilonyen ti anvoy mesaze pour kestyonn li lo levennman ekstraordiner ki'n arive dan son pei.

2 Kronik 9:1

Kan larenn Saba ti antann koz lo lerwa Salomon, i ti desann Zerizalenm pour li teste Salomon avek detrwa kestyon difisil. I ti annan en gran lantouraz ek bann samo ki ti pe anmenn tou kalite bon lesans, en kantite lor, ek pyer presyez. Ler i ti ariv kot Salomon i ti rakont tou sa ki i ti annan dan son lespri.

2 Kronik 9:9

Larenn Saba ti fer lerwa Salomon kado trwa tonn edmi lor, en gran kantite lesans ki personn pa'n zanmen war ek pyer presyez.

Liv Zob 31:25

si mon lazwa in sorti dan mon gran larises, oubyen dan bann kantite lobze ki mon'n gannyen par travay;

Proverb 4:23

Sirtou, vey lo ou leker, akoz i sours lavi.

Eklezyas 7:20

Lo later, napa en sel zis, ki fer zis sa ki byen san komet en pese.

Zeremi 17:9

Leker imen i fourb e koronpi. I pa kapab ganny geri. Lekel ki kapab konpran li?

2 Korentyen 12:7

Sepandan, pour ki mon pa vant mon lekor pour sa bann revelasyon ekstraordiner, mon'n ganny en soufrans dan mon lekor. I koman en mesaze Satan ki'n ganny anvoye pour tourmant mwan e anpes mwan fer vantar.

1 Zan 1:8

Si nou pretann ki nou san pese, nou pe anbet nou lekor e laverite pa dan nou.