Ezai 38:17 - Labib An Kreol Seselwa

¹⁷ Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Ezai 38:17 ပူးပေါင်းရင်းမြစ်များ

Liv Zob 29:18

Alor mon ti mazinen: Mon pou mor dan mon nik e mon bann zour pou bokou parey disab.

Liv Zob 33:24

I ava pran pitye pour li, e i dir Bondye: Pa les li desann dan latonm; mon'n trouv sa enn ki pou pey ranson pour li!

Psonm 10:2

Bann malfeter pa onte pour eksplwat bann pov e fer soufer bann malere. Zot in ganny pri dan zot prop latrap.

Psonm 103:12

Parey Les i lwen avek Was, i met nou pese lwen avek nou.

Psonm 103:3

I pardonn tou ou bann fot e i geri tou ou bann maladi.

Psonm 103:4

I repran ou lavi dan lafos; i kouronn ou avek fidelite ek konpasyon.

Psonm 30:3

SENYER! Ou'n tir mwan dan lemonn lanmor. Ler mon ti pe tonm dan lafos, ou'n redonn mwan lavi.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Psonm 85:2

Ou'n efas bann fot ou pep; ou'n pardonn zot tou zot pese.

Psonm 86:13

Ou fidelite anver mwan i vreman gran; ou'n sov mwan dan profonder lanmor.

Ezai 38:15

Me ki mon kapab dir? Li menm ki'n koz avek mwan; li menm ki'n fer sa. Mon nepli kapab dormi akoz mon dan en gran lapenn.

Ezai 43:25

Pourtan, mwan, mwan menm, par mon prop pwisans, mon pardonn tou ou fot e mon pou oubliy tou ou bann pese.

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zonas 2:6

Mon ti desann kot montanny i pran son rasin, dan profonder lemonn lanmor kot laport ti ferm lo mwan pour touzour. Me ou, SENYER, mon Bondye, ou'n tir mwan vivan dan profonder lanmor.

Zonas 2:7

Kan lanmor ti pre avek mwan, mon ti mazin SENYER. Mon lapriyer ti mont kot ou, e dan ou tanp sen, ou ti ekout mwan.