Ezai 38:1 - Labib An Kreol Seselwa

¹ Dan sa letan, Ezekyas ti tonm malad e i ti pre pour mor. Profet Ezai, garson Amoz ti vin kot li. I ti dir li: La sa ki SENYER i deklare: Met lord dan ou bann zafer, akoz ou pou mor; ou pa pou geri.

Ezai 38:1 ပူးပေါင်းရင်းမြစ်များ

2 Samyel 12:22

I ti reponn, “Ler sa zanfan ti ankor vivan, mon ti zene, e plere akoz mon ti dir dan mwan menm: Petet SENYER i ava pran pitye pour mwan, e sa zanfan ava viv.

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

2 Kronik 32:24

Dan sa letan, Ezekyas ti tonm malad e i ti pre pour mor. I ti priy SENYER ki ti reponn e donn li en siny.

Eklezyas 9:10

Tou sa ki ou lanmen i kapab fer, fer li avek ou prop lafors akoz pou napa ni aktivite, ni rezon, ni konnesans, ni lasazes dan lemonn lanmor, kot ou pe ale.

Ezai 1:1

Vizyon ki Ezai, garson Amoz ti war konsernan rwayonm Zida ek lavil Zerizalenm dan bann lepok ki Ozyas, Zotanm, Akaz ek Ezekyas ti lerwa Zida.

Ezai 37:2

I ti anvoy Elyakim, sef pale, Sebna, sekreter e bann pret pli aze kot profet Ezai, garson Amoz. Zot osi, zot ti kouver zot dan lenz dey.

Ezai 37:21

Alor, Ezai, garson Amoz, ti anvoy sa mesaz kot Ezekyas: La sa ki SENYER, Bondye Izrael i deklare: Akoz ou'n priy lo size Senakerib, lerwa Asiri,

Zonas 3:10

Kan Bondye ti war ki mannyer bann zabitan Niniv ti repanti, i pa ti pini zot parey i ti'n dir i pou fer. I pa ti detri lavil.

Zonas 3:4

Apre ki Zonas ti'n mars en zournen dan lavil, i ti kriye: Ankor dan 40 zour, Niniv pou ganny detri!

Akt de Zapot 9:37

Dorkas ti tonm malad e i ti mor. Apre ki zot ti'n benny li, zot ti depoz li dan en lasanm dan letaz.