Ezai 32:18 - Labib An Kreol Seselwa

¹⁸ Mon pep ava reste dan sekirite, kot i annan lape; dan bann landrwa sir, kot i ava kapab repoze.

Ezai 32:18 ပူးပေါင်းရင်းမြစ်များ

Psonm 107:7

I ti gid zot lo en semen ki ti anmenn zot direk dan en lavil abite.

Egzod 9:26

Zis dan teritwar Gosenn kot pep Izrael ti reste, ki lagrel pa ti tonbe.

Proverb 24:15

Pa met en pyez parey en malfeter kont lakaz sa enn ki zis; pa ravaz landrwa kot sa enn ki zis i reste,

Ezai 11:10

Sa zour, desandan Zese pou debout koman en bannyer pour tou bann zabitan later; bann nasyon pou vin kot li e son demer pou ranpli avek son prezans.

Ezai 14:3

Zour ki SENYER ava'n donn ou repo apre bann letan douler ek tourman e apre bann letan lesklavaz ki ou ti pas ladan,

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Ezai 26:3

Avek en lespri ferm, ou gard zot dan lape, lape, akoz zot met zot konfyans dan ou.

Ezai 28:12

I ti'n dir zot: La repo! Les sa ki fatige repoze. Isi i en landrwa trankil! Me zot pa'n oule ekoute.

Ezai 30:15

La sa ki Senyer BONDYE, Bondye Sen Izrael i deklare: Ou delivrans i dan retour ver mwan e dan silans. Ou lafors i dan trankilite ek konfyans. Me ou'n refize.

Ezai 33:6

Ou lavenir, pou dan sekirite. Li menm ou delivrans, ou konnesans, ou lasazes. Respe pour SENYER, sanmenm trezor Siyon.

Ezai 65:21

Zot pou konstri bann lakaz e zot pou reste ladan. Zot pou plant bann pye rezen e manz son bann fri.

Ezai 65:9

Mon pou fer sorti en desandan dan Zakob. Dan Zida pou sorti en zeritye; bann ki mon'n swazir pour erit mon bann montanny la kot mon bann serviter pou enstal zot.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Ezekyel 34:28

Zot pou nepli viktim bann nasyon, ni ganny devore par bann zannimo sovaz. Zot ava viv an sekirite e personn pa pou fer zot per.

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Zakari 3:10

SENYER liniver ki deklare: Sa zour, zot pou envit kanmarad anba zot pye rezen oubyen anba zot pye fig.

Ebre 4:9

Sa i vedir ki i annan ankor en repo pour pep Bondye. Sa i setyenm zour.

1 Zan 4:16

Nou, nou konn sa lanmour ki Bondye i annan pour nou, e nou krwar dan sa lanmour. Bondye i lanmour. Sa enn ki reste dan lanmour i reste dan Bondye e Bondye i reste dan li.