Ezai 3:5 - Labib An Kreol Seselwa

⁵ Dimoun pou ganny kraze vwazen kont vwazen. Bann zenn pou ensolan anver bann vyeyar; bann bonnaryen pou maltret dimoun respektab.

Ezai 3:5 ပူးပေါင်းရင်းမြစ်များ

2 Rwa 2:23

Elize ti kit sa landrwa e mont Betel. Letan i ti pe monte lo semen, bann garson ti sorti dan lavil e konmans sikann Elize. Zot ti dir li, “Latet kler! Monte! Monte, latet kler!”

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Ezai 19:2

Mon pou fer bann Ezipsyen lager antre zot, vwazen kont vwazen, lavil kont lavil, rwayonm kont rwayonm.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Levitik 19:32

Ou ava lev debout devan en dimoun aze e respekte en vyeyar; ou ava annan respe pour ou Bondye. Mwan menm SENYER.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 7:2

Dimoun ki fidel in disparet dan pei. Nepli annan en sel dimoun onnet. Zot tou, zot pe tranpe pour fer koule disan. Sakenn in met en pyez kont son prosen.

Zakari 11:6

La sa ki SENYER i deklare: Mon pou nepli annan pitye pour bann zabitan later. Mon pou fer sakenn zot tonm dan lanmen son vwazen e sakenn zot dan lanmen son lerwa. Bann lerwa pou devaste later e mon pa pou delivre personn dan zot lanmen.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Matye 26:67

Apre, zot ti kras dan son figir e tap li. Serten ti kalot li.

Mark 14:65

En bann parmi zot ti konmans kras lo li, bann son lizye, e tap li. Zot ti dir, “Profetize! Devinen lekel ki'n tap ou.” Bann gard osi, ti atrap li e bat li.

Levanzil dapre Lik 22:64

Zot ti osi bous son lizye e demann li, “Devinen! Lekel ki'n tap ou?”

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?

Let Zak 5:4

La sa ki'n arive: Lapey bann zouvriye ki'n travay dan zot plantasyon, e ki pa'n ganny peye, pe kriye. Konplent bann ki fer zot rekolt in ariv ziska dan zorey Senyer liniver.