Ezai 3:26 - Labib An Kreol Seselwa

²⁶ Zot bann laport pou plennyen e lamante; i pou asiz ater, parey en fanm depouye.

Ezai 3:26 ပူးပေါင်းရင်းမြစ်များ

Liv Zob 2:13

Zot ti asiz ater obor li pandan set zour ek set nwit. Personn pa ti dir li en mo, akoz zot ti war ki i ti pe soufer bokou.

Liv Zob 2:8

Zob ti pran en morso po kase pour grat li avek e i ti asiz lo en ta lasann.

Ezai 14:31

Bann laport lavil! Plere! Bann lavil! Kriye! Tou bann Filisten i fonn avek lafreyer, akoz en gro lafimen pe monte sorti dan Nor; personn pa pe sove parmi bann konbatan.

Ezai 29:2

Mon pou kraz ou Ariel. Ou pou konn zis plere ek lamante; ou ava pour mwan parey en lotel kot ou bril sakrifis.

Ezai 32:14

Ou pale pou ganny abandonnen; ou lavil anfet pour ganny dezerte; ou kolin ek son bann tour pour vin en kavern pour touzour. La, bourik sovaz pou kontan vini e bann troupo pou vin manz zerb,

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 14:2

Zida i an dey; son bann lavil pe tonm anrin. Son bann zabitan pe asiz ater. Zerizalenm pe kriy ver lesyel.

Zeremi 15:8

I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 1:4

Semen ki anmenn Siyon i an dey, personn pa pas par la pour al dan bann lafet. Dimoun nepli pas par son bann laport. Son bann pret i plennyen. Son bann zenn fiy zot dan lapenn. Siyon i dan lanmertim.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 2:8

SENYER in deside met anrin tou bann miray ki protez Zerizalenm. I ti fer mezire e fer sir ki tou ti ganny kraze. Aprezan, son bann tour ek bann miray in vin zis en ta debri.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 26:16

Tou bann lerwa dan rezyon lakot pou kit zot tronn. Zot pou kit zot rob ek zot lenz brode. Zot pou tranble avek gro lafreyer; zot pou asiz ater dan lafreyer e zemir lo ou sor.

Mise 1:9

Annefe, son boubou i san okenn gerizon. I'n fannen ziska Zida; i'n ariv kot laport mon pep, ziska Zerizalenm.

Matye 11:17

Nou ti zwe lanmizik pour zot, me zot pa ti danse! Nou ti sant kantik dey, me zot pa ti plere!

Levanzil dapre Lik 19:44

Zot pou kraz ou ek tou ou bann zanfan. Pa en sel ou bann ros pou reste an plas, akoz ou pa ti rekonnet letan Bondye ti vini, pour li sekour ou.”