Ezai 3:25 - Labib An Kreol Seselwa

²⁵ Ou bann zonm pou ganny masakre e ou bann gerye pou mor dan batay.

Ezai 3:25 ပူးပေါင်းရင်းမြစ်များ

2 Kronik 28:6

Dan en sel zour, Peka, garson Remalia, ti touy 120,000 zonm, bannbrav gerye, dan rwayonm Zida akoz zot ti'n abandonn SENYER, Bondye zot zanset.

2 Kronik 29:9

Akoz tousala, nou bann zanset in ganny masakre; nou bann garson, fiy ek fanm ti al koman prizonnyen annegzil.

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Zeremi 11:22

SENYER liniver i deklare: Mon pou fer zot rann kont! Zot bann zennzan pou ganny masakre; zot bann zanfan pou mor lafen.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 15:8

I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 19:7

Mon pou detri tou bann plan ki zabitan Zida ek Zerizalenm i annan pour sa landrwa. Mon pou les zot lennmi masakre zot. Mon pou donn zwazo ek zannimo sovaz zot kadav pou manze.

Zeremi 21:9

Tou dimoun ki ava reste dan lavil pou ganny masakre oubyen mor par lafanmin, oubyen par lepidemi. Me sa bann parmi zot ki ava sorti e ki ava rann zot avek bann Babilonyen ki pe anserkle lavil, zot pa pou ganny touye. Omwen, zot ava'n kapab sov zot lavi.

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Amos 9:10

Bann peser parmi mon pep pou ganny masakre. Menm sa bann ki dir: Maler pa pou ariv kot nou.