Ezai 3:24 - Labib An Kreol Seselwa

²⁴ Loder pouritir pou ranplas loder lesans; en lakord pou ranplas en sang. Latet kler pou ranplas bann lanmod pennyen avek ekstravagans; lenz dey pou ranplas bann lenz lafet; laont dan plas labote.

Ezai 3:24 ပူးပေါင်းရင်းမြစ်များ

Ester 2:12

Alafen 12 mwan, dapre regilasyon pour bann fanm, tour sakenn bann zenn fiy pour al kot lerwa Zerzes ti arive. Bann zenn fiy dan lakour rwayal ti devre swiv tretman labote pour bann fanm pandan enn an. Pandan sis mwan avek delwil lamir, e apre, sis mwan avek bann prodwi parfen ek lezot prodwi pour fanm.

Liv Zob 16:15

Mon'n koud en lenz dey lo mon bann sikatris e anfons mon fron dan lapousyer.

Proverb 31:24

I fabrik bann lenz linenn ki i vann; i livre bann sentir avek bann marsan.

Proverb 7:17

Mon'n parfim mon lili avek lamir, aloes ek kannel.

Ezai 15:2

Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 15:3

Zot lo semen dan lenz dey. Lo twa bann lakaz e dan bann plas piblik, tou dimoun i an larm, pe plere.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezai 3:23

semiz linenn, vwal.

Ezai 4:4

Apre, SENYER ava lav salte bann zabitan Siyon e netway disan ki dan Zerizalenm par en souf lazistis e destriksyon.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zeremi 48:37

Zot tou, zot in raz zot latet, koup zot labarb, sizle zot lanmen e zot in met en lenz dey lo zot.

Zeremi 49:3

Zabitan Hesbonn! Kriye! Ai ki'n ganny devaste. Bann fiy Raba! Kriye. Met zot lenz dey e plere, taye tou dilon miray, akoz Milkonm, pou ganny deporte avek tou son bann pret ek bann sef.

Zeremi 6:26

La sa ki SENYER i deklare: Mon pep! Met ou lenz dey, roul ou dan lapousyer. Fer dey parey ou ti pou fer pour lanmor ou sel garson ki ou annan. Sant bann kantik tris, akoz lennmi pe vini e dan en sel kou i pou detri ou.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Ezekyel 27:31

Akoz ou, zot pou raz zot latet e met lenz dey. Zot pou kriye e lamante akoz ou.

Ezekyel 7:18

Zot pou anvlop zot dan lenz dey, zot pou konny ansanm avek lafreyer. Zot figir pou kouver avek laont; zot tou, zot pou bezwen raz zot latet telman zot onte.

Zoel 1:8

Lamante zot tou, parey en zenn fiy an dey ki pe pler lanmor son zenn fiyanse.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Mise 1:16

Zabitan Zerizalenm! Raz ou latet, koup ou seve, akoz ou bann zanfan byenneme. Fer ou latet sov parey en leg, akoz zot pe ganny anmennen annegzil lwen avek ou.

Deterononm 28:22

SENYER ava fer ou soufer deperisman, lafyev, lanflanmasyon, gro lasaler ek lasesres, gro divan so e maladi pou tonm lo ou bann plantasyon. Tousala ava pourswiv ou ziska ki ou ava disparet.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

1 Pyer 3:3

Pa rod fason fer zot zoli par bann mwayen eksteryer, dan mannyer zot penny zot seve, avek bizou annor, zoli lenz ki kout ser.

Revelasyon 11:3

Mon pou anvoy mon de temwen abiye dan lenz dey. Zot pou profetize pandan 1,260 zour.

Revelasyon 16:9

Dimoun ti ganny brile par en lasaler terib e zot ti ensilte Bondye ki annan pouvwar lo sa bann fleo. Zot ti refize repanti pour rann li glwar.

Revelasyon 18:9

Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.