Ezai 3:14 - Labib An Kreol Seselwa

¹⁴ SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Ezai 3:14 ပူးပေါင်းရင်းမြစ်များ

Liv Zob 22:4

Dapre ou, eski i ziz ou e i pini ou akoz ou fidel anver li?

Liv Zob 24:14

En kriminel i leve ler i ankor granmaten pour li touy bann pov ek bann malere e pandan lannwit i vole.

Liv Zob 24:9

Serten i aras bann orfelen ki ankor pe tete. Zot pran pti baba bann pov koman otaz.

Liv Zob 34:23

Bondye pa bezwen port bokou latansyon lo en zonm pour ordonn li konparet devan son tribinal.

Psonm 10:9

Parey en lyon, i kasyet an sekre dan brousay. I espere pour li atrap en malere. Kan in atrap li, i trenn li dan son latrap.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 143:2

Pa ziz ou serviter, akoz napa personn ki zis devan ou.

Proverb 30:14

Serten i annan ledan parey lepe, e lanmaswar parey kouto pour devore e fer disparet bann pov lo later, ek bann dezerite parmi bann et imen.

Ezai 10:1

Maler lo sa bann ki fer bann regleman enzis, ki fer bann lalwa ki pez lo bann sitwayen.

Ezai 10:2

Zot anpes dimoun ganny lazistis. Zot priv bann pov zot drwa. Zot vol bann vev e depouy bann orfelen!

Ezai 11:4

I pou ziz bann pov dapre lazistis e desid avek ladrwatir, an faver bann ki san defans lo later. Lo son lord, zabitan later pou ganny pini. I pou detri bann move dimoun avek son souf.

Ezai 14:30

Lene zanfan ki sorti dan bann fanmir pov ava ganny dekwa manze; bann malere ava dormi anpe. Me ou lennmi pou fer ou mor lafen e mon pou touy sa bann ki ava ankor vivan.

Ezai 26:6

Bann pov, bann ki feb, pou kraz sa lavil anba zot lipye.

Ezai 29:19

Bann senp pou trouv en gran lazwa dan SENYER. Bann pov pou rezoui dan sa sel Bondye, sen dan Izrael,

Ezai 30:12

Alor, la sa ki Bondye Sen Izrael i deklare: Akoz ou rezet sa parol e met ou konfyans dan vyolans ek mansonz e ki ou kont lo zot, ki ou apiy lo la,

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Ezai 58:4

Ler zot fer en zenn zot pas zot letan dispit, lager e tir koudpwen. Pa avek sa kalite zenn ki zot pe fer ozordi ki zot pou fer tande zot lavwa lao.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 5:27

Parey en lakaz zwazo i ranpli avek zwazo, zot lakaz i plen avek bann lobze vole. Konmsa ki zot in vin pwisan e ris.

Ezekyel 18:12

i eksplwat bann pov ek bann malere; i vol dimoun; i pa rann sa ki en dimoun in met angaz pour son det; i ador bann zidol e fer toudsort pratik degoutan;

Ezekyel 20:35

Mon pou anmenn zot dan dezer bann nasyon; la, mon pou ziz zot fas a fas.

Ezekyel 20:36

Mon pou ziz zot parey mon ti ziz zot bann zanset dan dezer Lezip. Senyer BONDYE ki deklare.

Levitik 25:14

Kan ou vann keksoz avek ou vwazen, oubyen aste keksoz avek li, zot pa pou tronp kanmarad.

Levitik 25:17

Zot pa pou tronp kanmarad. Zot ava montre respe pour zot Bondye. Mwan menm SENYER zot Bondye.

Amos 2:7

Zot kraz bann malere dan lapousyer. Zot napa respe pour okenn drwa bann ki feb. En zonm i dormi avek menm fanm ki son papa; sa i en ensilt pour mon loner.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Mise 3:3

Zot devor laser mon pep, deplis lapo lo zot, kas zot lezo an morso, e koup zot konmsi lavyann ki ou met kwi dan marmit.

Mise 6:10

Eski mon kapab kontinyen siport sa bann trezor malaki, sa bann mezir fose e modi dan lakaz bann malfeter?

Matye 21:33

Zezi ti dir, “Ekout ankor en lot parabol: En zonm ti'n plant en plantasyon rezen. I ti fer en baraz toultour. I ti fouye pour fer en preswar diven, e i ti fer en tour pour gardyen. Apre, i ti lwe sa plantasyon avek bann planter e i ti al vwayaze.

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?