Ezai 3:10 - Labib An Kreol Seselwa

¹⁰ Dir sa ki inosan koman i ere, akoz i pou rekolte fri son travay.

Ezai 3:10 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Egzod 1:20

Bondye ti beni bann sazfanm e lepep ti vin pli nonbre e tre for.

Proverb 10:6

Benediksyon i lo latet sa enn ki zis. Me labous en malfeter i kasyet vyolans.

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Proverb 13:21

Maler i pourswiv sa enn ki fer pese; me boner i rekonpans sa enn ki zis.

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Zeremi 15:11

Pourtan, SENYER ti'n dir mwan: Mon promet ou ki mon pou delivre ou pour en bon rezon. Mon promet ou ki mon pou fer ou lennmi vin sipliy ou, kan i pou dan maler.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 22:15

Lefe ki ou konstri lakaz avek dibwa sed pa fer ou en pli bon lerwa. Ou papa ti manze, bwar parey tou dimoun. Me i ti pratik lazistis, i ti en zonm drwat. Tou keksoz ti mars byen pour li.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Ezekyel 18:20

Sa enn ki'n fer pese, se li menm ki pou mor. En garson pa pou ganny pini akoz fot son papa, ni en papa akoz fot son garson. En dimoun ki azir byen pou ganny rekonpanse pour azir dapre lazistis; sa enn ki move pou ganny pini pour tou bann mal ki i'n fer.

Ezekyel 9:4

SENYER ti dir li, “Al partou atraver lavil, atraver Zerizalenm; met en mark lo fron bann ki plennyen e plere akoz bann aksyon degoutan ki ganny komet dan sa lavil.”

Mise 7:13

Me later pou vin dezer, akoz son bann zabitan, akoz rezilta mesanste son zabitan.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Malasi 3:18

Ankor en fwa, zot ava war diferans ant sa enn ki zis ek en malfeter, ant sa enn ki servi Bondye ek sa enn ki pa servi li.

Levanzil dapre Lik 19:19

Lerwa ti dir li: Ou, mon pou met ou ansarz senk lavil.

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Ebre 6:10

Bondye pa enzis. I pa pou oubliy travay ki zot in fer, ni lanmour ki zot in montre pour li par servis ki zot in rann e pe kontinyen rann anver lezot kretyen.