Ezai 3:1 - Labib An Kreol Seselwa

¹ Aprezan, Senyer, SENYER liniver pou retir dan Zerizalenm e dan Zida tou resours. I pou priv zot avek manze ek delo,

Ezai 3:1 ပူးပေါင်းရင်းမြစ်များ

2 Rwa 25:3

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Psonm 105:16

I ti anvoy lafanmin dan pei e ti napa ase dipen.

Ezai 1:24

La sa ki SENYER Bondye liniver, BONDYE Toupwisan Izrael i deklare: Maler! Mon pou revanz lo mon bann lennmi. Mon pou tourn kont mon bann ladverser.

Ezai 2:22

Pa pran ka pour imen; i annan zis en souf dan son nennen. I pa vo nanryen.

Ezai 3:16

SENYER i deklare: Bann fiy dan Zerizalenm zot fyer, zot fil zot likou ler zot marse, zot regar i provokan; zot mars ti lepa e fer sonnen bann lasenn ki dan zot sevir.

Ezai 36:12

Me Ed de kan Asiriyen ti dir: Eski ou krwar ki mon met in anvoy mwan koz zis avek ou met ek ou, non pa avek bann zonm ki lo miray? Zot osi, zot pou bezwen manz zot leskreman e bwar zot lirin.

Ezai 5:13

Pour sa rezon, mon pep pou ganny deporte akoz i pa konpran. Son bann gran zans pou mor lafen e popilasyon antye pou mor laswaf.

Ezai 51:22

La sa ki SENYER, ou Bondye ki defann lakoz son pep i deklare: Mon pe tir dan ou lanmen lakoup mon lakoler ki fer ou drive. Ou pa pou bwar ankor dan lakoup mon lakoler.

Ezai 9:20

Zot devor kanmarad lo kote drwat, me zot ankor lafen; zot devor lo kote gos, me zot pa ankor rasazye. Zot devor laser zot prop zanfan.

Zeremi 37:21

Alor, lerwa Sedesyas ti donn lord pour gard Zeremi dan kordgard. Tou le zour, zot ti donn li en dipen sorti dan lari bann Boulanze, ziska zour ki ti nepli annan dipen dan lavil. Konmsa ki Zeremi ti reste dan kordgard.

Zeremi 38:9

Mazeste! I pa byen mannyer sa bann zonm in azir anver profet Zeremi; zot in zet li dan en sitern. I pou mor lafen dan sa trou, akoz nepli annan dipen dan lavil.

Zeremi 52:3

Zerizalenm ek Zida ti provok lakoler SENYER ziska i ti rezet zot, lwen avek li. Sedesyas ti revolte kont lerwa Babilonn.

Zeremi 52:6

Nevyenm zour dan katriyenm mwan, sa menm lannen, lafanmin ti'n vin sitan for dan lavil, ki ti nepli annan manze.

Lamantasyon 5:4

Nou bezwen peye pour delo ki nou bwar. Nou bezwen aste dibwa pour fer dife.

Ezekyel 14:13

Ou, ki en imen, ekoute! Kan zabitan en pei i fer pese kont mwan e zot enfidel anver mwan, mon pou azir kont zot. Mon pou detri zot sours manze e anvoy lafanmin kont zot. Mon pou fer disparet bann imen osi byen ki bann zannimo.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Amos 4:6

Mwan ki ti anvoy lafanmin dan tou zot lavil. Mon'n anpes bann vilaz ganny manze. Malgre sa, zot pa'n retourn ver mwan. SENYER ki deklare.

Mise 4:9

Akoz ou pe kriye aprezan? Eski napa lerwa kot ou? Eski ou konseye in mor, pour ki douler i pran ou parey en fanm ki pe akouse?