Ezai 27:9 - Labib An Kreol Seselwa

⁹ Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 27:9 ပူးပေါင်းရင်းမြစ်များ

2 Rwa 10:26

zot ti tir bann kolonn sakre ki dan tanp Baal e brile.

2 Rwa 23:14

I ti kraz bann kolonn sakre, koup bann poto sakre Asera e ranpli landrwa kot zot ti ete avek lezo imen.

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

2 Kronik 14:5

I ti osi fer detri bann landrwa sakre ek bann lotel lansan dan tou bann lavil Zida. Dan sa letan ki i ti lerwa, son rwayonm ti dan trankilite.

2 Kronik 34:4

Zozyas ti fer demoli devan li tou bann lotel Baal e anmenmtan kraz bann lotel lansan ki ti lo la. I ti koup bann poto sakre e kraz bann stati. Tousala ti ganny brile e lasann ti ganny fannen lo latonm bann pret ki'n ofer sakrifis.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

Psonm 119:67

Avan, mon ti'n egare, mon pa ti konnen ki mon ti pe fer. Me aprezan, mon pe gard ou komannman.

Psonm 119:71

In fer mwan dibyen ki mon'n ganny imilye. Konmsa, mon'n kapab etidye ou bann regleman.

Egzod 34:13

Ou ava detri zot bann lotel, kas zot bann pilye e koup zot bann ros sakre.

Proverb 20:30

Sikatris en blesir i en remed kont lemal; bann kou i penetre ziska dan profon leker.

Ezai 1:29

Alor, bann pye dibwa sakre ki zot ti adore pou fer zot onte; zot pou kanmi avek zot bann zarden sakre ki zot ti fer.

Ezai 17:8

Zot pou nepli pran kont bann lotel ki travay zot prop lanmen; ni sa ki zot in fabrike avek zot ledwa. Zot pou nepli annan lentere pour bann poto sakre Asera ni bann lotel lansan.

Ezai 30:22

Alor, ou ava konsider koman enpir, larzan ki kouver ou bann stati; lor ki lo ou bann zidol an metal. Ou ava zet zot parey salte. Ou ava dir zot: Sorti la salte!

Ezai 4:4

Apre, SENYER ava lav salte bann zabitan Siyon e netway disan ki dan Zerizalenm par en souf lazistis e destriksyon.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Ezai 48:10

Gete! Mon'n pirifye ou dan dife, pa parey larzan i ganny pirifye, me mon'n fer ou pas dan dife lafliksyon.

Ezekyel 11:18

Kan zot ava'n retournen, mon pou fer disparet bann pratik degoutan ek bann lobze degoutan.

Ezekyel 20:38

Mon pou tir parmi zot, bann ki rebel e ki dezobei mwan; mon pou tir zot dan pei kot zot reste, me zot pa pou antre dan pei Izrael. Konmsa, zot ava konnen ki mwan menm SENYER.

Ezekyel 6:4

Ou bann lotel pou ganny detri, bann brazye lansan ranverse e mon pou zet ou bann viktim ater devan bann zidol.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Oze 14:8

Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Mise 5:11

Mon pou detri tou lavil dan ou pei e demoli ou bann fortres.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Romen 11:27

Sanmenm lalyans ki mon pou fer avek zot, kan mon pou fer disparet zot bann pese.

1 Korentyen 11:32

Me Senyer i koriz nou, i ziz nou pour ki nou pa ganny kondannen ansanm avek lemonn.

Deterononm 12:3

Kas zot bann lotel, kraz zot bann ros sakre, bril bann poto sakre Asera, kas bann stati zot bann bondye. Konmsa, zot ava fer disparet non sa bann bondye dan tou sa bann landrwa.

Ebre 12:6

Annefe, Senyer i koriz bann ki i kontan. I pini tou zanfan ki i rekonnet koman son garson.