Ezai 27:7 - Labib An Kreol Seselwa

⁷ Eski SENYER in pini zot parey in pini sa bann ki ti viktimiz zot? Oubyen, eski i'n touy zot, parey sa bann ki ganny touye?

Ezai 27:7 ပူးပေါင်းရင်းမြစ်များ

Ezai 10:12

Ler SENYER ava fini tou son travay lo Montanny Siyon e lo Zerizalenm, i pou pini lerwa Asiri pour son larogans ek son lorgey.

Ezai 10:17

Lalimyer Izrael pou vin en dife; Bondye sen pou vin en laflanm ki pou brile e devor bann zarbis pikan ek bann brousay dan en sel zour.

Ezai 17:14

Aswar, i annan en lafreyer terib. Avan bomaten, tou in disparet. Lala sa ki arive avek sa bann ki depouy nou; sanmenm sor sa bann ki vol tou nou posesyon.

Ezai 17:3

Tou bann miray proteksyon otour Efraim pou ganny detri. Damas pou nepli en rwayonm e bann restan Siriyen pou pas parey laglwar bann zanfan Izrael. SENYER liniver ki deklare.

Ezai 30:31

Bann Asiriyen pou tranble avek lafreyer ler zot ava antann lavwa SENYER, ler i pou konny zot avek son baton.

Ezai 31:8

Alor, bann Asiriyen pou tonbe anba kou lepe ki pa sorti kot zonm. Lepe ki pou detri zot pa'n ganny fer par zonm. Zot ava sove devan sa lepe e son bann zennzan pou ganny met anba travoforse.

Ezai 31:9

Son protekter pou sove dan lafreyer; son bann sef pou sove e abandonn zot paviyon. SENYER ki annan en laflanm dan Siyon en fournez dan Zerizalenm ki deklare.

Zeremi 50:40

Sa ki pour ariv lo Babilonn, pour parey katastrof ki mon ti anvoy lo Sodonm ek Gomor, kan mon ti detri sa de lavil avek tou bann lavil dan zalantour, SENYER i deklare. Alor, personn pa pou vin reste isi, personn pa pou pas isi.

Zeremi 51:24

Aprezan, zot ava war koman mon fer Babilonn ek son bann zabitan pey pour tou sa bann ditor ki zot in fer dan Zerizalenm, SENYER i deklare.

Nahoum 1:14

La sa ki SENYER in ordonnen kont zabitan Niniv: Ou pou nepli annan okenn desandans ki pou port ou non. Mon pou detri sa bann stati an bwa e an fer ki dan ou tanp. Mon pou prepar ou latonm, akoz ou nepli vo nanryen.

Nahoum 3:19

Napa okenn remed pour ou blesir. Ou bann blesir i mortel. Tou sa ki pou antann ou nouvel, pou bat lanmen. Annefe, personn pa'n kapab sap ou bann kriyote san lafen.