Ezai 27:6 - Labib An Kreol Seselwa

⁶ Dan bann zour ki pe vini, Zakob pou pous rasin. Izrael ava donn bann bourzon, fleri e ranpli later antye avek son bann fri.

Ezai 27:6 ပူးပေါင်းရင်းမြစ်များ

Liv Zob 37:12

Lo son lord, bann nyaz i tourn an ron, zot obei li partou kot zot ale.

Ezai 35:1

Dezer ek later desese pou dan lazwa! Dezer pou kontan e pou fleri avek zoli fler.

Ezai 35:2

I pou kouver avek fler. I pou sote, i pou sante e kriye avek lazwa. I pou ganny laglwar Liban ek labote montanny Karmel ek laplenn Saronn. Zot pou war laglwar SENYER, labote e grander nou Bondye.

Ezai 37:31

Bann sirvivan dan lafanmir Zida, ava repran rasin anba e raport fri lao.

Ezai 4:2

Sa zour, SENYER pou fer pouse dan pei sa pou loner ek laglwar. Bann fri sa pei pour fer lafyerte ek laglwar bann sirvivan Izrael.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Ezai 60:22

Parmi zot, sa ki pli pti, pou vin en milye; sa ki pli feb, pou vin en nasyon pwisan. Mwan SENYER, mon pa pou tarde pour realiz tousala dan son letan.

Zeremi 30:19

Bann zabitan pou sant bann kantik remersiman; zot pou riye avek kontantman. Avek mon benediksyon, zot popilasyon pou ogmante, olye diminyen; Zot ava en pep ki ganny respekte; personn pou nepli mepriz li.

Ezekyel 36:10

Mon pou fer grandi zot popilasyon: Izrael dan tou son teritwar pou ogmante; tou bann lavil pou ganny abite e bann landrwa devaste pou ganny rekonstri.

Ezekyel 36:8

Me zot, montanny Izrael, zot pye dibwa pou bourzonnen e raport fri pour mon pep Izrael. Byento sa pou arive.

Oze 2:23

Mon pou senmen dan sa pei; mon pou kontan Lo-Rouama setadir, Sa enn ki mon pa kontan. Mon pou apel Lo-Ami: Mon pep e i pou reponn: Mon Bondye.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Galat 3:29

E si zot pour Kris, alor, zot bann desandan Abrahanm, e zeritye promes ki Bondye in fer.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.