Ezai 27:5 - Labib An Kreol Seselwa

⁵ amwen ki zot vin rod mon proteksyon, e fer lape avek mwan. Wi! Zot ava fer lape avek mwan.

Ezai 27:5 ပူးပေါင်းရင်းမြစ်များ

Liv Zob 22:21

Fer lape avek Bondye e alor ou ava anpe. Alor, ou ava retrouv ou boner.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 25:4

Ou en landrwa refiz dimoun pov; ou'n vin en refiz pour bann ki dan bezwen e dan maler; en labri kont gro lapli e en lonbraz kont lasaler. Lakoler bann lennmi kriyel i fwete kont miray, parey lapli dan movetan.

Ezai 26:12

SENYER! Ou'n akord nou lape, akoz vreman, tou sa ki nou'n fer, se ou ki'n fer pour nou.

Ezai 42:19

Sa enn ki aveg, li menm mon serviter. Sa enn ki sourd, li menm mon mesaze ki mon'n anvoye. Lekel ki aveg parey mon mesaze devoue? Lekel ki sourd parey serviter SENYER?

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 56:2

Sa enn ki fer sa, ki pa mars akote, ki obzerv saba e pa dezonor li e ki evite fer sa ki mal; i en dimoun ki ere.

Ezai 57:19

SENYER i deklare: Lape! Lape pour sa enn ki lwen, pour san enn ki pros! Mon pou geri zot tou!

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Levanzil dapre Lik 14:32

Si i war ki i pa pou kapab, letan lot lerwa i ankor byen lwen, i anvoy en anbasader pour diskit kondisyon lape.

Levanzil dapre Lik 19:42

I ti dir, “Si ozordi ou ti konnen ou osi, ki mannyer pour trouv lape! Me aprezan in ganny kasyet pour ou!

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Zozye 10:6

Bann zabitan Gabaon ti anvoy sa mesaz kot Zozye dan kan Gilgal: Pa abandonn ou bann serviter; vin vit, vin sekour nou. Tou bann lerwa Amorit ki reste dan rezyon montanny in zwenn ansanm kont nou.