Ezai 27:12 - Labib An Kreol Seselwa

¹² Sa zour, SENYER pou bat bann zepi depi larivyer Efrat, ziska larivyer Lezip. I pou rasanble zot enn par enn, pep Izrael.

Ezai 27:12 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Psonm 68:22

SENYER i deklare: Mon pou fer zot retournen sorti Basann. Mon pou fer zot sorti dan profonder lanmer.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Ezai 17:6

Pa pou reste bokou keksoz dan Izrael. Sa pei pou parey en pye zoliv apre rekolt, ler in ganny sekwe pour ranmas son fri e i reste anler dan leker apre rekolt, detrwa fri e dan brans ki pli gran, ankor detrwa dan bann bout brans. SENYER Bondye Izrael ki deklare.

Ezai 49:5

Aprezan, SENYER i dir ki i'n form mwan dan vant mon manman pour mwan vin son serviter e fer Zakob retourn kot li e pour rasanble Izrael otour li. SENYER in glorifye mwan devan li akoz mon Bondye ki ti mon lafors.

Ezai 56:8

Senyer BONDYE ki rasanble bann ki'n ganny rezete dan Izrael i deklare: Mon pou rasanble lezot ankor avek sa bann ki'n ganny deza rasanble.

Zeremi 3:14

Retourn kot mwan, pep enfidel. Akoz mwan ki zot SENYER, mon pou pran enn parmi zot dan sak lavil, de parmi zot ki sorti dan sak fanmir, e mon pou fer zot retourn Siyon.

Zeremi 44:28

Sof en pti group ki pa pou ganny eksterminen, e ki pou kit Lezip pour retourn Zida. Me sa restan dimoun ki sorti Zida e ki'n vin viv dan pei Lezip pou rekonnet lekel parol ki pe ganny realize: Mon parol, oubyen zot parol!

Ezekyel 20:34

Mon pou fer zot sorti parmi bann diferan nasyon kot zot in disperse. Mon pou tir zot partou dan bann pei kot zot ete e rasanble zot; mon pou montre zot lafors ek pwisans mon lakoler.

Ezekyel 20:41

Mon pou akey zot avek plezir, parey en lofrann ki fer mwan plezir. Mon pou fer zot sorti parmi bann pep, dan tou pei kot zot in disperse e rasanble zot. Konmsa, mon pou montre bann nasyon ki mwan menm Bondye sen.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Ezekyel 47:19

Lo kote Sid, frontyer ava sorti Tamar ziska oazis Meriba Kades. I ava swiv larivyer Lezip ziska lanmer Mediterane. Sa i ava pour kote Sid.

Amos 9:9

Annefe, mon pou donn mon bann lord; mon pou sekwe zabitan Izrael parey ou sekwe legren dan en tanmi, e napa okenn gravye ki pou tonbe.

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Levanzil dapre Lik 15:4

“Lekel parmi zot si i annan 100 mouton e i perdi enn, pa pou kit sa 99 dan laplenn, pour al rod sa enn ki'n perdi, ziska ki i retrouv li?

Levanzil dapre Zan 10:16

Mon annan ankor mouton ki pa dan sa berkay. Mon bezwen anmenn zot osi. Zot ava antann mon lavwa. Alor, i ava annan en sel troupo avek en sel berze.

Levanzil dapre Zan 6:37

Tou dimoun ki mon Papa in donn mwan pou vin kot mwan, e mon pa pou zanmen pous personn ki vin kot mwan.

Zozye 15:4

Frontyer ti pas answit par Asmonn e ariv kot larivyer lo frontyer Lezip, pour debous dan lanmer Mediterane. Sa i ava ou frontyer Sid.