Ezai 26:9 - Labib An Kreol Seselwa

⁹ Pandan lannwit, mon rod ou avek tou mon leker. Mon lespri i rod ou avek en dezir profon. Akoz ler ou aplik zizman lo later, bann zabitan lemonn i aprann pratik lazistis.

Ezai 26:9 ပူးပေါင်းရင်းမြစ်များ

1 Kronik 16:14

Se li SENYER, nou Bondye; i egzers son zizman lo later antye.

Psonm 105:7

Se li SENYER, nou Bondye. I egzers son zizman lo later antye.

Psonm 119:55

SENYER! Dan lannwit, mon apel ou non pour mwan obei ou lalwa.

Psonm 119:62

Akoz ou bann desizyon i zis, mon leve lannwit pour remersye ou.

Psonm 130:6

Mon esper SENYER avek tou mon leker plis ki en gardyen i espere pour lizour fer. Wi! Plis ki en gardyen i espere pour lizour fer.

Psonm 58:11

Dimoun ava dir: Vreman! I annan en rekonpans pour bann dimoun ki zis. Vreman! I annan en Bondye ki ziz later!

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

Psonm 63:5

Mon pou rasazye parey avek bann pli bon pla; mon pou selebre e sant louanz avek lazwa.

Psonm 64:9

Tou dimoun pou per; zot pou proklanm travay Bondye, e medit lo sa ki i'n fer.

Psonm 78:34

Kan i ti touy zot, lezot ti rod li. Zot ti repanti, zot ti vitman retourn kot Bondye.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Proverb 8:17

Mon kontan dimoun ki kontan mwan. Sa bann ki vreman rod mwan i kapab trouv mwan.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 55:6

Rod SENYER letan zot ankor kapab trouv li, apel li letan i lanmenm pros.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Lamantasyon 3:25

SENYER i bon anver tou sa ki met son konfyans dan li; anver sa enn ki met son lespwar dan li.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Mark 1:35

Lannmen byen granmaten, ankor fernwanr, Zezi ti leve. I ti al an deor lavil, dan en landrwa dezer kot i ti priye.

Levanzil dapre Lik 6:12

Dan sa letan, Zezi ti al lo montanny pour priye. I ti priy Bondye tou lannwit.

Revelasyon 11:13

Pandan sa menm moman, ti annan en gran tranblemandter, e en dizyenm parti lavil ti tonbe. 7,000 dimoun ti mor. Bann sirvivan ti ranpli avek lafreyer e zot ti rann glwar Bondye ki dan lesyel.