Ezai 26:8 - Labib An Kreol Seselwa

⁸ SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 26:8 ပူးပေါင်းရင်းမြစ်များ

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

Psonm 106:3

I byennere sa enn ki fer sa ki drwat e ki touzour pratik lazistis.

Psonm 130:5

Mon met mon lespwar dan SENYER; mon pe espere avek tou mon leker. Mon annan konfyans dan son parol.

Psonm 18:23

Mon san repros devan li. Mon'n evit fer okenn pese.

Psonm 42:2

Mon swaf pour Bondye, mon Bondye ki vivan. Kan eski mon pou kapab prezant mwan devan ou prezans?

Psonm 65:6

Par ou lafors, ou'n plas bann montanny. Ou ranpli avek pwisans.

Psonm 73:25

Lekel ki mon annan dan lesyel apard ou? Lo later, mon sel dezir, se zis ou.

Psonm 84:2

Mon vreman anvi antre dan sanktyer SENYER. Mon leker ek mon lekor antye i anvi sant lazwa ver Bondye vivan.

Egzod 3:15

Bondye ti dir ankor avek Moiz: Ou ava dir bann Izraelit: SENYER, Bondye zot zanset Bondye Abrahanm, Bondye Izaak e Bondye Zakob ki'n anvoy mwan kot zot. Sa i ava mon non pour touzour, mon non ki bann zenerasyon fitir ava envoke.

Kantik Salomon 5:8

Bann fiy Zerizalenm! Mon sipliy zot: Si zot war mon byenneme, dir li mon ganny maladi lanmour.

Ezai 12:4

Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 24:15

Zabitan dan rezyon Les! Rann glwar SENYER. Zot ki reste dan bann zil! Loue non SENYER, Bondye Izrael.

Ezai 25:1

SENYER! Ou mon Bondye. Mon pou loue ou e selebre ou non, akoz ou'n fer en kantite mervey pour mwan. Bann plan ki ou'n formen depi lontan i reste solid, zot pa sanze.

Ezai 25:9

Sa zour, dimoun pou dir: Li menm li nou Bondye; nou'n esper li. In vin sov nou. Li menm SENYER ki nou ti pe espere. Annou selebre! Annou rezouir! I'n sov nou.

Ezai 26:13

SENYER nou Bondye! Apard ou, bokou sef in domin nou; me nou rekonnet zis ou koman SENYER.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 33:2

SENYER! Pran pitye pour nou! Nou'n met nou konfyans dan ou. Ou ki nou lafors tou le bomaten, nou sover dan letan maler.

Ezai 49:23

Bann lerwa ki pou vin zot titer e bann prenses zot nouris. Zot pou prosternen devan lafas later e lis lapousyer lo ou lipye. Alor, ou ava konnen ki mwan menm SENYER. Sa bann ki met konfyans dan mwan pa pou kanmi.

Ezai 51:4

Mon pep! Ekout mwan! Mon nasyon! Port atansyon akoz mon pe al donn en lansennyman e mon lazistis pou en lalimyer lepep.

Ezai 56:1

La sa ki SENYER i deklare: Gard lazistis, e pratik sa ki drwat, akoz mon delivrans i pros pou arive. Mon plan pour sov ou pou ganny devwale.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.

Malasi 4:4

Rapel byen bann lalwa, bann komannman ek bann regleman, ki mon ti donn mon serviter Moiz lo montanny Horeb pour pep Izrael antye.

Nonm 36:13

Sa ti bann komannman ek bann regleman ki SENYER ti donn pep Izrael, par lentermedyer Moiz, kan zot ti dan laplenn Moab, obor larivyer Zourden, vizavi Zeriko.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Akt de Zapot 1:4

En zour, pandan ki i ti pe manz avek zot, i ti donn zot sa lord: Pa kit Zerizalenm, me esper sa kado ki mon Papa in promet, parey mon'n deza dir zot.

Romen 8:25

Me si nou esper sa ki nou pa ankor war, nou esper avek pasyans.

2 Tesalonisyen 3:5

Mon demann Senyer gid zot leker dan lanmour pour Bondye e dan pasyans ki Kris i donnen.