Ezai 26:7 - Labib An Kreol Seselwa

⁷ Semen lazistis i drwat. Ou ki zis! Fer drwat semen sa enn ki zis.

Ezai 26:7 ပူးပေါင်းရင်းမြစ်များ

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Liv Zob 31:6

mon demande ki Bondye i ziz mwan e rekonnet mon linosans.

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 11:4

SENYER i dan son tanp sen. Lo son tronn dan lesyel, i obzerv later ek son bann zabitan.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 25:4

SENYER! Fer mwan konn ou semen. Ansenny mwan viv koman oule.

Psonm 25:5

Gid mwan, ansenny mwan dan ou laverite. Ou menm Bondye ki sov mwan. Mon kont lo ou tou le zour.

Psonm 27:11

SENYER! Montre mwan ou semen. Akoz mon bann lennmi, kondwir mwan lo en semen san danze.

Psonm 5:9

Okenn laverite pa sorti dan zot labous; zot leker i ranpli avek destriksyon; zot lagorz i en tonbo ouver; zot lalang i koz zis flatri.

Proverb 11:5

Lazistis en zonm onnet i gard li lo bon semen; me malfeter i tonbe akoz son mesanste.

Proverb 20:7

Sa enn ki zis i viv onnetman; zanfan ki vin apre li pou byennere.

Proverb 21:8

Semen sa enn ki malonnet i tord; me mannyer fer sa enn ki inosan i drwat.

Proverb 3:6

Rekonnet li dan tou sa ki ou antreprann e i ava gid ou lo ou semen.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 30:18

Pourtan, SENYER pe espere pour li montre ou son labonte. I pou monte pou montre ou son konpasyon. Akoz SENYER i en Bondye zis. Byennere tou dimoun ki met lespwar dan li!

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 52:12

Sa fwa si, ou pa pou sorti an presan; ou pa pou al an tayan; akoz SENYER pou mars devan ou e Bondye Izrael ava protez ou par deryer.

Ezai 57:2

Me zot ava antre dan lape. Sa bann ki mars drwat ava dormi anpe lo zot lili.

Zeremi 10:23

SENYER! Mon konnen ki zonm pa met son desten. Napa en dimoun ki kapab kontrol son lavi.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.