Ezai 26:5 - Labib An Kreol Seselwa

⁵ In fer tonbe sa bann ki reste dan montanny; in kraz bann lavil ki byen proteze. In abes zot ziska dan lapousyer.

Ezai 26:5 ပူးပေါင်းရင်းမြစ်များ

Psonm 79:8

Pa pini nou pour pese nou bann zanset. Pa tarde pour montre ou konpasyon pour nou. Nou'n tonm byen ba.

Ezai 13:11

Mon pou pini lemonn pour son mesanste e bann move dimoun pour zot krim. Mon pou met en lafen avek dimoun ki arogan. Mon pou tenny lorgey bann diktater.

Ezai 14:13

Ou ti dir dan ou leker: Mon pou mont dan lesyel; Mon pou met mon tronn par lao bann zetwal Bondye. Mon pou enstal mwan lo montanny lasanble Bondye.

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 24:10

Lavil abandonnen in degrennen; tou lakaz in fermen, personn pa kapab antre.

Ezai 25:2

Ou fer lavil vin en ta debri. Son bann fortifikasyon i anrin. Pale bann lennmi nepli; i pa pou zanmen ganny rekonstri.

Ezai 32:19

Lafore pou disparet anba lagrel e lavil pou ganny aplati konpletman.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Zeremi 51:37

Mon pou fer Babilonn vin en ta ros, kot zannimo sovaz ki pou viv; en landrwa devaste ki pou fer per, En landrwa kot personn pa pou reste.

Zeremi 51:64

Ou ava dir: Konmsa ki Babilonn pou koule. I pou koule e i pa pou zanmen leve ankor, akoz bann pinisyon ki mon pe fer vin lo li. Bann parol Zeremi i fini la.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Ezekyel 26:11

I pou kraz tou ou bann semen anba bann sabo son bann seval. I pou masakre ou bann zabitan; ou bann gro kolonn pou degrengole.

Ezekyel 28:17

Lorgey in ranpli ou leker akoz ou labote; par ou renonmen, ou lasazes in koronpi. Alor, mon zet ou ater e fer ou vin en spektak devan bann lerwa.

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.