Ezai 26:4 - Labib An Kreol Seselwa

⁴ Met ou konfyans dan SENYER pour touzour, akoz SENYER i sa Ros solid pour touzour.

Ezai 26:4 ပူးပေါင်းရင်းမြစ်များ

2 Kronik 20:20

Zot ti lev granmaten pour al dan dezer Tekoa. Pandan ki zot ti pe ale, Zozafat ti debout. I ti dir: Ekout mwan, pep Zida ek zabitan Zerizalenm! Met tou zot konfyans dan SENYER zot Bondye e zot ava reste for. Fer konfyans dan bann profet e zot ava ranport laviktwar.

2 Kronik 32:8

Avek li, i annan zis lafors imen, me SENYER, nou Bondye i avek nou. Li menm nou sekour e i pou konbat dan nou plas. Parol Ezekyas, lerwa Zida, ti donn konfyans lepep.

Liv Zob 9:19

Dan en paryaz lafors, i pli for. Lo kestyon lazistis, lekel ki pou konvok mwan?

Psonm 125:1

Sa enn ki met son konfyans dan SENYER, i parey montanny Siyon: Personn pa kapab bouz li; i reste la pour touzour.

Psonm 18:2

SENYER i mon Ros protekter, mon fortres e mon liberater. I mon Bondye, mon Ros protekter, kot mon an sekirite. I mon korn ki delivre mwan; i mon soutyen.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 55:22

Desarz tou ou fardo lo SENYER, i pou soutenir ou. Zanmen i pou les en zis tonbe.

Psonm 62:11

Bondye in dir e mon'n antann repete: Zis Bondye tousel ki posed lapwisans.

Psonm 62:8

Pep! Fer li touzour konfyans. Dir li sa ki zot annan lo zot leker. Bondye i en labri pour nou.

Psonm 62:9

Bann et imen i parey en souf respirasyon; bann zabitan later, zot manter. Si zot mont lo en balans, zot pa pou pez plis ki en souf.

Psonm 66:7

Par son lafors, i gouvern pour touzour; i gard son lizye lo bann nasyon. Pa les bann rebel fer vantar.

Psonm 93:1

SENYER i lerwa, in anvlope dan mazeste; i antoure avek lafors.

Ezai 12:2

Bondye i mon sover. Mon pou fer li konfyans, mon pa pou per, akoz Senyer BONDYE i mon lafors e mon pwisans. Li menm ki sov mwan.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 30:29

Zot pou selebre parey dan lafet sakre aswar. Zot leker pou kontan parey ler en dimoun i mars akonpannyen par lanmizik laflit, pour li al lo montanny SENYER, Ros Izrael.

Ezai 32:2

Sakenn pou parey en labri kont divan, en refiz kont tanpet, parey bann sours delo dan landrwa sek, parey lonbraz en ros dan dezer.

Ezai 44:8

Pa per, pa tranble. Pa mon'n fer ou konnen e anons depi byen lontan? Zot mon temwen! Eski i annan en lot Bondye apard mwan? Mwan, ki zot ros; mon pa konn en lot.

Ezai 45:17

Me Izrael i ganny sove par SENYER; i sov li pour touzour. Zanmen i pou ganny kouver avek laont ni ganny ensilte.

Ezai 45:24

Zot pou dir lo mwan: Zis SENYER ki annan lazistis ek pwisans. Tou sa bann ki ti ankoler kont mwan pou retourn ver mwan dan laont.

Ezai 50:10

Lekel parmi zot ki annan respe pour SENYER e ekout lavwa son serviter? Lekel ki mars dan fernwanr san okenn lalimyer, me ki kanmenm fer konfyans dan non SENYER e apiy lo son Bondye?

Ezai 51:5

Mon pa pour tarde vin sov zot; zot pre pour ganny libere e mon lebra ava ziz bann pep; zabitan bann zil pe esper mwan, zot pe kont lo mon pouvwar.

Ezai 63:1

Lekel sa enn ki pe vini sorti Edonm, sa enn ki sorti lavil Bosra, abiye dan lenz avek tas disan lo la? Lekel sa enn ki'n abiye dan zoli lenz, ki pe aprose avek lafyerte, avek lasirans dan son lafors? Se mwan menm sa enn ki rann lazistis, ki sov avek pwisans.

Danyel 3:17

Mazeste! Nou Bondye ki nou servi, i kapab sov nou dan sa fourno laflanm dife, e dan ou lanmen.

Danyel 3:28

Naboukodonozor ti dir, “Beni non Bondye Sadrak, Mesak ek Abed-Nego, ki'n anvoy son lanz pour sov son bann serviter akoz zot annan konfyans dan li. Zot in dezobei lord lerwa e riske zot lavi, plito ki servi e ador en lot bondye apar zot prop Bondye.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 33:27

Bondye ki egziste dan tou letan i en labri; depi touzour son pwisans i gran. I ti sas lennmi devan ou. I ti dir: Detri zot!

Filipyen 4:13

Mon kapab fer fas avek tou difikilte gras a Kris ki donn mwan lafors.

1 Samyel 2:2

Zis SENYER ki sen. Napa personn parey li. Okenn Ros protekter pa parey nou Bondye.