Ezai 26:2 - Labib An Kreol Seselwa

² Ouver bann laport! Les antre sa nasyon drwat e fidel dan lafwa.

Ezai 26:2 ပူးပေါင်းရင်းမြစ်များ

Psonm 106:5

Konmsa, mon ava war boner ou pep ki ou'n swazir, partisip dan lazwa ou nasyon e partaz lafyerte sa bann ki ou posesyon.

Psonm 118:19

Ouver pour mwan bann laport lazistis, mon pou antre e remersye SENYER.

Psonm 118:20

La laport SENYER: Bann ki zis ki pou antre par la.

Psonm 24:7

Bann laport! Ouver gran zot batan. Ouver gran laport antik. Les sa gran lerwa antre.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Ezai 45:25

Tou bann desandan Izrael ava ganny zistifye e zot ava met zot konfyans dan SENYER.

Ezai 54:14

Ou ava ganny gide par lazistis; personn pa pou kraz ou, akoz ou pou nepli per; personn pa pou teroriz ou, akoz lafreyer pa pou apros ou.

Ezai 54:17

Tou zarm ki'n ganny fabrike kont ou pa pou servi nanryen. Okenn lakizasyon kont ou pa pou tenir debout. Sanmenm par ki ou'n rezerve pour bann serviter SENYER e drwa ki sorti kot mwan. SENYER ki'n deklare.

Ezai 58:8

Alor, ou lalimyer ava briye parey soley leve granmaten; ou ava geri byen vit; tou ou bon repitasyon pou al devan ou e laglwar SENYER pou protez ou par deryer.

Ezai 60:11

Ou bann laport pou reste touzour ouver; zot pa pou zanmen ganny fermen, ni lizour ni aswar. Konmsa, bann nasyon pou kapab anmenn zot bann larises kot ou. Avek zot lantouraz, bann lerwa pou vini, enn deryer lot.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Ezai 62:1

Pour lanmour Siyon, mon pa pou gard silans. Pour lanmour Zerizalenm, mon pa pou reste trankil ziska ki lazistis i fer briye en nouvo zour e son delivrans parey en flanbo alimen.

Ezai 62:10

Zabitan Zerizalenm! Travers bann laport lavil! Degaz semen pour lepep. Nivle larout! Repar semen; tir tou ros; lev bannyer pour bann pep!

Ezai 62:2

Bann nasyon pou war ou vanzans, tou bann lerwa pou war ou grander; ou pou ganny en nouvo non sorti dan labous SENYER.

Zakari 8:20

La sa ki SENYER liniver i deklare: Bann pep ek bann zabitan sorti dan bokou gran lavil pou retourn ankor.

Akt de Zapot 2:47

Zot ti rann glwar Bondye, e tou dimoun ti annan lestim pour zot. Tou le zour, Senyer ti azout dan zot group, tou bann ki ti pe ganny sove.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Pyer 3:13

Me nou, dapre son promes, nou pe esper en nouvo lesyel ek en nouvo later kot pou annan lazistis.

Let Zid 1:3

Mon bann zanmi! Mon ti vreman anvi ekri zot konsernan lafwa ki nou partaze. Me mon ti santi mwan dan lobligasyon pour ekri deswit sa let pour ankouraz zot konbat pour lafwa ki ti ganny transmet en fwa pour tou, avek bann ki Bondye in swazir.

Revelasyon 21:24

Tou pep lo later pou mars dan son lalimyer, e bann lerwa later pou anmenn zot larises dan lavil.

Revelasyon 5:9

Zot ti sant en nouvo kantik: Ou diny pour resevwar sa liv e kas son bann sele. Annefe, ou ti ganny egorze, e par ou disan, ou'n reaste pour Bondye, zonm dan tou ras, lalang, pep ek nasyon.