Ezai 26:16 - Labib An Kreol Seselwa

¹⁶ SENYER! Zot ti rod ou ler zot ti dan detres. Zot ti priye ler ou ti pe pini zot.

Ezai 26:16 ပူးပေါင်းရင်းမြစ်များ

Psonm 142:2

Mon devers mon problenm devan li; mon rakont li mon maler.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 42:4

Mon gard en bon souvenir dan mon leker: Mon rapel byen, mon ti pe marse avek lafoul. Mon ti pe mars devan laprosesyon ziska tanp Bondye. Ansanm avek lafoul dan lafet, nou ti sant bann kantik remersiman.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

Psonm 77:3

Mon mazin Bondye, mon plennyen devan li. Plis mon reflesir, mon perdi kouraz.

Psonm 78:34

Kan i ti touy zot, lezot ti rod li. Zot ti repanti, zot ti vitman retourn kot Bondye.

Psonm 91:15

Kan i ava kriy ver mwan, mon pou reponn li. Dan son maler, mon pou la avek li; mon pou sov li e fer li loner.

Ezai 37:3

Zot ti dir li, la sa ki Ezekyas i dir: Ozordi i en zour tris, en zour pinisyon, en zour laont; ler lakousman in arive, me manman napa lafors pour donn nesans.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 22:23

Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 29:12

Alor, ou ava envok mwan e ou ava kapab ale. Ou ava priy mwan e mon ava antann ou lapriyer.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Nonm 21:7

Lepep ti vin kot Moiz. Zot ti dir li, “Nou'n fer pese kan nou ti koz kont SENYER e kont ou. Priy SENYER pour fer ale sa bann serpan.” Alor Moiz ti priy pour lepep.

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.

Ziz 10:15

Bann Izraelit ti dir SENYER, “Nou'n fer pese; tret nou koman i fer ou plezir. Me nou demann ou delivre nou ozordi.”

1 Samyel 1:15

Ann ti reponn, “Non, mon pa sou, me mon en fanm byen malere. Mon pa'n bwar ni diven, ni okenn lalkol, me mon pe devid mon leker devan SENYER.