Ezai 26:13 - Labib An Kreol Seselwa

¹³ SENYER nou Bondye! Apard ou, bokou sef in domin nou; me nou rekonnet zis ou koman SENYER.

Ezai 26:13 ပူးပေါင်းရင်းမြစ်များ

2 Kronik 12:8

Pourtan, Sisak pou fer zot vin son bann lesklav. Alor, zot ava war diferans ant servi mwan e servi lezot lerwa.”

Ezai 10:11

Gete ki mon'n fer avek Samari ek son bann zidol. Mon pou fer osi avek Zerizalenm ek son bann zidol?

Ezai 12:4

Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 2:8

Zot pei i ranpli avek fo bondye. Zonm i prosternen devan zidol ki zot in fabrike avek zot lanmen, sa ki zot in fer avek zot prop ledwa.

Ezai 26:8

SENYER! Lo sa semen ki ou'n endike, nou met nou lespwar dan ou. Nou sel dezir, se loue ou non.

Ezai 51:22

La sa ki SENYER, ou Bondye ki defann lakoz son pep i deklare: Mon pe tir dan ou lanmen lakoup mon lakoler ki fer ou drive. Ou pa pou bwar ankor dan lakoup mon lakoler.

Ezai 63:7

Mon pou rakont bann byenfe ki SENYER in fer, bann aksyon SENYER ki merit ganny loue: Pour tou sa ki SENYER in fer pour nou; dan son gran konpasyon ki i'n montre pour Izrael, dan labondans son gran fidelite.

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Amos 6:10

Kan en manm lafanmir ava pran en mor pour al brile, i ava demann avek sa ki la si napa personn ankor dan lakaz. Lot ava reponn: Napa personn. Alor, i ava azoute: Reste trankil. Pa mansyonn non SENYER.

Mise 4:5

Si sak nasyon pe obei son bondye, nou, nou pou ador e obei nou SENYER, nou Bondye pour touzour e touzour.

Levanzil dapre Zan 8:32

Zot ava konn laverite e laverite ava rann zot lib.”

Romen 6:22

Me aprezan zot in ganny libere avek pese, e zot in vin dan servis Bondye. Zot pe prodwi fri en lavi sen e son rekonpans final se lavi eternel.

1 Korentyen 4:7

Lekel ki fer ou diferan avek lezot? Ki ou posede ki ou pa ti resevwar? Alor, si ou'n resevwar, akoz ou vant ou lekor konmsi ou pa'n resevwar?

Ebre 13:15

Alor, par Zezi, annou touzour ofer Bondye en sakrifis louanz, setadir, annou toultan loue son non avek nou labous.

Zozye 23:7

Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.