Ezai 26:11 - Labib An Kreol Seselwa

¹¹ SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 26:11 ပူးပေါင်းရင်းမြစ်များ

Liv Zob 34:27

Zot ti'n met Bondye dekote e aret swiv li, zot ti nepli ekout son lansennyman.

Psonm 10:12

Leve SENYER! Mon Bondye! Lev ou lanmen. Pa oubliy bann malere!

Psonm 21:8

Ou pou met lanmen lo tou ou bann lennmi. Par ou lafors ou pou atrap sa bann ki annan laenn pour ou.

Psonm 28:5

Zot pa rekonnet travay SENYER ni sa ki son lanmen in fer. Alor, i pou detri zot e zot pa pou zanmen releve.

Psonm 78:63

Bann zennzan ti ganny devore par dife. Personn pa ti sant romans pour bann zenn fiy.

Psonm 86:17

Montre mwan en siny ou labonte. Fer mon bann lennmi war e zot ava onte, akoz ou, SENYER, ou'n vin sekour mwan e ou'n konsol mwan.

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 10:17

Lalimyer Izrael pou vin en dife; Bondye sen pou vin en laflanm ki pou brile e devor bann zarbis pikan ek bann brousay dan en sel zour.

Ezai 11:13

Efraim pou nepli zalou, bann lennmi Zida pou ganny detri. Efraim pou nepli zalou Zida e Zida pou nepli lennmi Izrael.

Ezai 18:3

Zot tou, bann zabitan lemonn, zot ki reste lo later! Ler en siny i ganny plase lo montanny, get byen! Ler tronpet i soufle, ekoute!

Ezai 37:32

Annefe, dan Zerizalenm pou sorti en restan; dan montanny Siyon en group sirvivan. Par son gran lanmour, SENYER liniver pou fer li.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Ezai 44:18

Zot pa konn nanryen; zot pa konpran nanryen. Zot lizye i bouse, zot pa war kler; zot lespri i bornen; zot pa ni war, ni konpran nanryen.

Ezai 44:9

Bann fabrikan zidol pa vo nanryen e zot pli zoli travay pa servi dan nanryen. Sa bann stati i zot temwen. Zot bann temwen ki pa war nanryen, ki pa konn nanryen, ki pe kouver zot avek laont.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 59:17

I met lazistis koman en zile proteksyon; lo son latet i met kas delivrans. I abiy li dan lenz vanzans e anvlop li dan palto zalouzi.

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Ezai 63:15

Port atansyon depi lesyel ki ou demer sen e glorye. Oli ou lanmour ek ou lafors? Oli ou leker ranpli avek konpasyon? Mon pa merit tousala.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Ezai 66:24

Ler zot pou sorti, zot pou war kadav bann zonm ki'n revolte kont mwan. Zot bann lever pa pou mor, zot dife pa pou tennyen; zot pou en keksoz degoutan pour tou dimoun.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Ezai 9:18

Mesanste i alimen parey en dife ki bril bann zarbis pikan. I ravaz bann brousay dan lafore e fer en gro lafimen monte.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 44:28

Sof en pti group ki pa pou ganny eksterminen, e ki pou kit Lezip pour retourn Zida. Me sa restan dimoun ki sorti Zida e ki'n vin viv dan pei Lezip pou rekonnet lekel parol ki pe ganny realize: Mon parol, oubyen zot parol!

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Mise 5:9

SENYER i deklare: Ou pou lev lanmen kont ou bann ladverser e tou ou bann lennmi pou ganny detri.

Mise 7:10

Mon lennmi pou war sa e i pou ganny kouver avek laont. Sa enn ki ti abitye demande: Oli SENYER, ou Bondye, pou vin en spektak. I pou ganny kraze anba lipye, parey labou dan semen.

Mise 7:16

Bann nasyon pou war sa e zot pou onte malgre zot gran lafors. Zot pa pou konnen ki pou dir e fer konmsi zot pa tande.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Matye 25:41

Apre, lerwa pou dir avek bann ki lo son kote gos: Sorti kot mwan zot ki'n ganny modi! Al dan dife eternel ki'n ganny prepare pour dyab ek son bann lanz!

Levanzil dapre Lik 16:23

Dan lemonn lanmor kot i ti ete, i ti pe soufer bokou. I ti lev lizye e i ti war Abrahanm dan lwen ek Lazar obor li.

Akt de Zapot 28:27

Leker sa pep in vin ensansib. Zot in bous zot zorey, e zot in ferm zot lizye, pour zot lizye pa war, pour zot zorey pa tande, e pour zot leker pa konpran, pour ki zot pa retourn kot mwan pour mwan geri zot.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Ebre 10:27

I reste zis pour espere dan lafreyer, Zizman Bondye ek sa dife feros ki pou devor tou son bann lennmi.

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

Revelasyon 3:9

La sa ki mon pou fer avek bann ki form lasanble Satan, sa bann manter ki pretann ki zot Zwif me ki pa Zwif: Mon pou fer zot vin azenou devan ou e zot ava rekonnet ki mon'n kontan ou.

1 Samyel 6:9

Zot ava veye si i pran semen dan direksyon Bet-Semes; alor, nou ava konnen ki vreman Bondye Izrael ki'n anvoy tou sa bann maler lo nou; si i al dan lot direksyon, nou ava konnen ki sa bann maler in ariv par azar, pa li ki'n anvoy zot lo nou.”