Ezai 24:9 - Labib An Kreol Seselwa

⁹ Zot nepli bwar diven e sante; labwason for in vin anmer pour bann bwarer.

Ezai 24:9 ပူးပေါင်းရင်းမြစ်များ

Psonm 69:12

Bann ki asiz obor semen i malparl mwan; bann soular i konpoz mwan dan sanson.

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Ezai 5:20

Maler lo zot ki apel sa ki byen, mal e sa ki mal, byen; ki sanz fernwanr pour lalimyer e lalimyer pour fernwanr; ki fer krwar anmer sa ki dou e dou sa ki anmer.

Ezai 5:22

Maler sa bann gran bwarer diven ki eksper dan melanz tou kalite labwason!

Ezekyel 26:13

Mon pou fer arete lanmizik ek ou bann sanson; pou nepli antann son lanmizik lo laarp.

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Zakari 9:15

SENYER liniver pou protez zot. Zot ava detri e kraz bann ros ki servi dan fles. Zot ava bwar zot disan konmsi diven. Zot ava plen parey lakoup, e kouver bann kwen lotel.