Ezai 24:8 - Labib An Kreol Seselwa

⁸ Bann zoli son tanbouren i nepli; tapaz lafet in fini; lanmizik zwaye lo laarp in arete.

Ezai 24:8 ပူးပေါင်းရင်းမြစ်များ

Liv Zob 3:7

Mon demande ki sa lannwit i vin steril, e ki personn pa kriye avek kontantman.

Liv Zob 30:31

Mon laarp i zwe zis lanmizik dey; mon laflit i akonpanny bann ki pe plere.

Psonm 137:2

Nou ti met anpandan nou bann laarp avek pye dibwa obor larivyer.

Ezai 16:10

Lazwa ek kontantman in disparet dan bann vale. Napa okenn sanson ki sorti dan plantasyon rezen, personn pa kriye avek kontantman. Personn pa vin kraz rezen pour fer diven; nepli antann okenn sanson avek lakadans.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Ezai 5:14

Alor, lapeti lemonn lanmor in ogmante e in ouver son labous byen gran; bann gran zans dan Zerizalenm e popilasyon antye lavil pou desann; ansanm, zot pou al dan zot tapaz lafet.

Zeremi 16:9

Annefe, la sa ki SENYER liniver, Bondye Izrael i deklare: Mon pou fer aret lafet; tou tapaz rezouisans ek sanson pour nouvo ek nouvel marye. Tousala pou ariv devan zot lizye, letan zot ankor vivan, e anba ou lizye.

Zeremi 25:10

Mon pou fer disparet tou sanson lazwa ek kontantman, tou sanson maryaz. Pou annan silans kot i moul lagrenn. Lalanp delwil pou aret kler lakaz dan fernwanr.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Lamantasyon 5:14

Bann vye dimoun nepli asiz obor laport lavil; bann zennzan nepli zwe lanmizik.

Ezekyel 26:13

Mon pou fer arete lanmizik ek ou bann sanson; pou nepli antann son lanmizik lo laarp.

Ezekyel 28:13

Ou ti reste dan Edenn, zarden Bondye. Ou ti kouver avek tou kalite pyer presyez: Ribi, topaz ek dyanman, krizolit, beril ek oniks, safir, grena ek emerod. Tou ou bann bizou ek ornman ti annor prepare depi sa zour ki ou ti ganny kree.

Oze 2:11

Mon pou fer arete son bann lanmizman, son bann lafet, son bann lafet nouvellin, son bann saba ek tou lezot seremoni.

Amos 6:7

Pour sa rezon, zot pou premye pour ganny egzile. Bann parese! Zot pou ganny deporte.

Revelasyon 18:22

Bann zwer laarp ek bann mizisyen! Sante! Pa pou zanmen antann ankor zwer laflit ek tronpet kot ou. Pou nepli annan ni zouvriye ni artizan kot ou. Pou nepli antann ankor kot ou, tapaz moulen dible.