Ezai 24:6 - Labib An Kreol Seselwa

⁶ Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Ezai 24:6 ပူးပေါင်းရင်းမြစ်များ

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

2 Rwa 25:12

Me sef bann gard rwayal ti kit deryer serten parmi bann ki pli pov dan pei, pour okip bann plantasyon rezen e koman bann kiltivater.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Ezai 43:28

Alor, mon'n dezonor bann sef ki ti dan sanktyer. Mon'n livre Zakob pour li ganny detri konpletman e Izrael pou fini dan laont.

Ezai 5:24

Pour sa rezon, parey dife i devor lapay e zerb sek i disparet dan laflanm, zot pou pouri par zot rasin, e zot bann fler pour vin lapousyer, akoz zot in rezet lansennyman SENYER liniver e zot in mepriz Parol Bondye Sen Izrael.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 5:14

Pour sa rezon, la sa ki SENYER, Bondye liniver i deklare: Zeremi! Akoz zot in koz konmsa, parol ki mon pou met dan ou labous, pou vin en dife. Sa pep ava sa dibwa ki sa dife pou devore.

Ezekyel 5:3

Ou ava gard detrwa bren seve ki ou ava kasyet dan fon ou pos ou rob.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Malasi 3:9

Maler lo zot nasyon antye! Zot in ganny malediksyon akoz zot pe vol mwan.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Malasi 4:6

I pou tourn leker bann papa ver zot bann zanfan, e leker bann zanfan ver zot papa, pour ki mon pa vin detri konpletman zot pei.

Matye 27:25

Lafoul antye ti reponn, “Nou demande ki son disan i tonm lo nou e lo nou bann zanfan!”

Matye 7:14

Me laport e semen ki anmenn ver lavi i etrwat e difisil. Napa bokou ki trouv li.

Romen 9:27

Ezai ti predir o size pep Izrael: Menm si pep Izrael i vin nonbre koman gren disab lo bor lanmer, zis en pti restan ki pou ganny sove.

Deterononm 28:62

Otrefwa, ou ti en nasyon nonbre parey bann zetwal dan lesyel. Me akoz ou pa'n obei SENYER, ou Bondye, i pou reste zis en pti pwannyen zot.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.