Ezai 24:5 - Labib An Kreol Seselwa

⁵ Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Ezai 24:5 ပူးပေါင်းရင်းမြစ်များ

2 Samyel 23:5

La konman Bondye in azir avek mon fanmir: In fer en lalyans avek mwan pour touzour, kot tou bann pwen in regle e byen garde. Partou e touzour in donn mwan laviktwar in realiz tou mon bann dezir.

2 Rwa 21:12

la sa ki SENYER, Bondye Izrael i deklare: La mon pou anvoy lo Zerizalenm e lo Zida, en maler ki pou fer abazourdi dimoun ki ava antann koz lo la.

2 Rwa 21:15

akoz zot in fer sa ki depler mwan e provok mwan, depi zour zot bann zanset ti sorti Lezip ziska ozordi.

2 Kronik 33:9

Me Manase ti fer egare bann zabitan Zida ek Zerizalenm pour fer ankor pir ki bann nasyon ki SENYER ti detri pour donn plas Izrael.

Psonm 105:10

ki i'n etabli en lalwa pour Zakob e en lalyans eternel pour Izrael,

Psonm 55:5

Mon vreman per e mon tranble; lafreyer lanmor in sezi mwan.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Ezai 33:8

Bann lari i dezer; napa personn lo semen. Lalyans in ganny kase. Serman in ganny meprize; son bann kondisyon pa'n ganny respekte.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Zeremi 11:10

Zot in retourn dan fot zot zanset ki ti refize obei mwan. Zot in al ador bann bondye etranze. Izrael ek Zida in kas sa lalyans ki mon ti fer avek zot zanset.

Zeremi 50:5

Zot pou demann semen pour al Siyon. Zot pou tourn ver lavil: Vini e fer en lalyans pour touzour avek SENYER. Zanmen zot pou oubliy sa lalyans.

Ezekyel 16:59

La sa ki Senyer BONDYE i deklare: Mon pou tret ou dapre sa ki ou merite. Ou pa'n respekte ou serman e ou'n kas lalyans.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:24

akoz zot pa ti gard mon bann regleman, zot in rezet mon bann lalwa e profann mon bann saba; zot in les zot ganny atire par bann zidol zot bann zanset.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Danyel 7:25

I pou koz kont Bondye Toupwisan. I pou fer soufer bann sen ki pour Bondye Toupwisan, I pou esey sanz bann zour lafet ek lalwa. Bann sen pou ganny livre dan son lanmen pandan en lannen, de lannen, e lanmwatye en lannen.

Danyel 9:10

Nou pa'n obei SENYER, nou Bondye e swiv son bann lalwa ki i ti met devan nou par lentermedyer son bann serviter, bann profet.

Danyel 9:5

Nou'n komet pese e fer sa ki mal. Nou'n komet bann aksyon move e nou'n revolte. Nou'n abandonn ou bann komannman ek ou bann lalwa.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Levitik 20:22

Zot ava gard tou mon bann lalwa ek tou mon bann regleman e met zot an pratik, pour ki sa pei kot mon pou fer zot antre, pa rezet zot.

Levitik 26:35

Pandan tou sa letan dezolasyon, pei ava kapab repoze e ranplas bann saba ki pa'n ganny respekte ler zot ti pe reste la.

Mise 2:10

Leve e ale! Sa later pa en landrwa repo, akoz zot pese i lakoz soufrans ek destriksyon terib.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 32:20

I ti dir: Mon pou deles zot. Mon pou gete sa ki zot pou devenir, akoz zot en zenerasyon dezenere, en bann zanfan san fidelite.

Ebre 13:20

Bondye ki sours lape, i'n resisit nou Senyer Zezi-Kri. Par disan son sakrifis ki garanti lalyans eternel, i'n vin gran berze bann mouton.

Ebre 9:1

Sa premye lalyans ti annan son bann regleman konsernan ladorasyon ek en sanktyer ki lo later.

Zozye 23:16

Si zot pa respekte lalyans ki SENYER, zot Bondye ti fer pour zot, si zot al servi lezot bondye e al prostern devan zot, SENYER pou ankoler kont zot, e zot pou tre vit disparet dan sa bon pei ki i'n donn zot.”

Zozye 24:25

Alor sa zour, dan lavil Sikenm, Zozye ti fer en lalyans lo non lepep. I ti donn zot bann lalwa ek bann regleman.