Ezai 24:3 - Labib An Kreol Seselwa

³ Later pou ganny detri konpletman e depouye anba lao, akoz SENYER in koze.

Ezai 24:3 ပူးပေါင်းရင်းမြစ်များ

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Ezai 21:17

Pa pou reste bokou solda ki tir fles dan larme Kedar. Akoz la sa ki SENYER, Bondye Izrael in deklare.

Ezai 22:25

Sa zour, SENYER liniver i dir ki sa pike ki ti'n ganny anfonse dan en landrwa sir pou kase; i pou ganny koupe e i pou tonbe. Sa pwa ki ti lo li pou ganny tire, akoz SENYER in koze. SENYER ki deklare.

Ezai 24:1

SENYER pe al devaste later e kit li san zabitan. I pou boulvers later e fer fannen bann zabitan.

Ezai 24:2

Sa pou arive avek tou: Pret koman laik; met koman lesklav; bourzwa koman serviter; vander koman aster; sa ki prete koman preter; sa enn ki andete koman sa enn ki donn kredi.

Ezai 24:4

Later pe sek e i pe tonm anrin; lemonn in delabre e pe tonm anrin; lesyel pe langir ansanm avek later.

Ezai 42:22

Me sa pep i en pep ki'n ganny vole e depouye. Zot tou zot in pri dan trou e fermen dan prizon. Zot in vin viktim san ki personn i kapab sov zot. Zot in ganny vole, me personn pa dir: Rann sa!

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 13:15

Pep Izrael! Ekout sa ki SENYER i deklare: Aret fer vantar.

Ezekyel 36:4

Pour sa rezon, montanny Izrael, ekout sa ki Senyer BONDYE i deklare avek bann montanny ek kolin, bann larivyer ek vale, bann landrwa devaste ek bann lavil abandonnen ki'n ganny depouye e kouver avek ensilt bann nasyon dan zalantour.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Mise 4:4

Sakenn pou viv anba son prop tonnel rezen. Zot pou viv anpe anba zot pye fig, san ki personn i fer zot per. SENYER liniver ki deklare.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Deterononm 29:28

Dan son gran lakoler e avek endinyasyon, SENYER ti derasin zot lo zot later e zet zot dan en lot pei, parey sa ki pe arive ozordi.