Ezai 22:5 - Labib An Kreol Seselwa

⁵ Annefe, sa zour, SENYER Bondye liniver in anvoy lazitasyon, konfizyon ek lafreyer. Dan Vale Vizyon, miray i ganny kraze; en lapel osekour i monte dan montanny.

Ezai 22:5 ပူးပေါင်းရင်းမြစ်များ

2 Rwa 19:3

Zot ti dir li, la sa ki Ezekyas i dir: Ozordi i en zour tris, en zour pinisyon, en zour laont. Ler lakousman in arive, me manman napa lafors pour donn nesans.

2 Rwa 25:10

Tou bann gerye Babilonyen avek li, ti demoli bann miray ki ti antour Zerizalenm.

Ester 3:15

Bann mesaze ti al toudswit, lo lord lerwa. Dekre ti ganny pibliye dan Siz, lavil kapital. Lerwa avek Haman ti asize pour bwar, tandis ki lavil Siz ti dan boulvers.

Ezai 10:6

Mon pe anvoy li kont en nasyon enfidel. Mon pe anvoy li kont en pep ki eksit mon lakoler, pour depouy zot e sezi tou zot byen; ki pou mars lo zot konmsi labou dan semen.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Ezai 25:10

Lanmen SENYER pou reste lo sa montanny. Bann Moabit pou ganny kraze lanmenm an plas parey lapay ki ganny pil anba lipye dan en trou fimyen.

Ezai 37:3

Zot ti dir li, la sa ki Ezekyas i dir: Ozordi i en zour tris, en zour pinisyon, en zour laont; ler lakousman in arive, me manman napa lafors pour donn nesans.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 63:3

Mon ti tousel pour kraz rezen dan preswar, personn parmi lepep pa'n vin avek mwan. Dan mon lakoler, mon'n pil lo zot; mon'n kraz zot avek lakoler. Zot disan in fann partou lo mwan; tou mon lenz in tase.

Ezai 63:6

Dan mon lakoler, mon'n kraz bann nasyon anba mon lipye; mon'n kraz zot dan mon lakoler; mon'n fer koule zot disan.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Lamantasyon 1:5

Son bann ladverser in vin son sef son bann lennmi i trankil. SENYER in fer Zida soufer akoz tou son bann dezobeisans. Son bann zanfan in vin prizonnyen; zot in ganny anmennen annegzil.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Lamantasyon 2:8

SENYER in deside met anrin tou bann miray ki protez Zerizalenm. I ti fer mezire e fer sir ki tou ti ganny kraze. Aprezan, son bann tour ek bann miray in vin zis en ta debri.

Ezekyel 7:7

Zabitan sa pei! Ou tour in arive. Ou letan in arive! Sa zour i pros, en zour konfizyon! I nepli zour selebrasyon lo montanny.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Mise 7:4

Sa enn ki meyer parmi zot i parey rons. Sa enn ki pli onnet i pir ki en zarbis pikan. Sa zour rann kont ki bann santinel in anonse, in arive. Aprezan, zot dan konfizyon.

Sofoni 1:15

Sa zour pou en zour lakoler, en zour maler, en zour tourman ek destriksyon, en zour fernwanr, kouver avek nyaz epe.

Matye 24:16

Alor, bann ki dan Zide, sov dan montanny.

Levanzil dapre Lik 23:30

Alor, dimoun pou dir avek montanny: Tonm lo nou! E avek kolin: Kouver nou!