Ezai 22:23 - Labib An Kreol Seselwa

²³ Mon pou etabli li byen, parey en pike byen anfonse dan en landrwa solid. I pou ganny en tit ki pou fer loner son zanset.

Ezai 22:23 ပူးပေါင်းရင်းမြစ်များ

Liv Zob 36:7

I pa detourn son regar lo bann zis. I onor zot e tret zot pour touzour parey bann lerwa lo zot tronn.

Esdras 9:8

Me la, SENYER nou Bondye, pour en pti pe letan, ou'n montre nou ou faver. Ou'n permet ki i reste detrwa sirvivan parmi nou pep e akord nou en landrwa, dan ou pei sakre. Nou Bondye in ouver nou lizye e redonn nou en pe lespwar dan nou lesklavaz.

Zakari 10:4

Ros prensipal pou sorti dan Zida; solid koman pike latant, for koman lark lager.

1 Samyel 2:8

I relev bann pov ki'n tonm dan lapousyer; i tir en malere lo son ta salte, pour fer li asiz avek bann sef. I donn li pour patrimwann en plasdoner. Akoz fondasyon later antye i pour SENYER; se li ki'n plas lemonn lo la.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Eklezyas 12:11

Parol bann zonm saz i parey en baton byen pwent e sa bann ki'n ekri li i parey en klou byen anfonse. Tousala, Bondye, sel berze ki'n enspir zot.

Ester 10:3

Zwif Mardose ti dezyenm apre lerwa Zerzes; i ti pwisan e popiler parmi bokou bann Zwif akoz i ti rod byennet son pep e entersed pour lape son bann desandan.

Ester 4:14

Si ou reste trankil dan en tel sityasyon, led ek delivrans bann Zwif ava sorti dan en lot landrwa; me ou, avek lafanmir ou papa, zot pou ganny detri. Dayer, lekel ki dir si ou pa'n ganny o plase dan sa rwayonm pour en letan parey?

Ezai 22:24

Tou bann manm son fanmir, pros oubyen lwen, pou reste atase avek li, parey bann pti vesel, i ganny met krose avek en pike, depi bann tas ziska bann kivet.

Ezai 22:25

Sa zour, SENYER liniver i dir ki sa pike ki ti'n ganny anfonse dan en landrwa sir pou kase; i pou ganny koupe e i pou tonbe. Sa pwa ki ti lo li pou ganny tire, akoz SENYER in koze. SENYER ki deklare.