Ezai 22:12 - Labib An Kreol Seselwa

¹² Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Ezai 22:12 ပူးပေါင်းရင်းမြစ်များ

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

Esdras 9:3

Ler mon ti antann sa, mon ti desir mon lenz ek mon manto. Mon ti aras mon seve ek mon labarb. Mon ti asiz ater, dan en gran dezespwar.

Nehemi 9:9

Ou ti war soufrans nou bann zanset dan Lezip; ou ti antann zot kriye lo bor lanmer Rouz.

Liv Zob 1:20

Alor Zob ti leve. I ti desir son lenz e raz son latet. I ti tonm ater e prosternen.

Eklezyas 3:11

Bondye i fer keksoz ariv dan son bon moman. Bondye in osi met dan lespri en et imen, dezir pour konn lepase ek lavenir; me imen pa kapab fini konpran tou travay Bondye.

Eklezyas 3:4

I annan en letan pour plere e en letan pour riye; en letan pour plennyen e en letan pour danse.

Ezai 15:2

Zabitan Bayit ek Dibonn in monte dan bann landrwa sakre pour plere. Zot pe lamante lo Nebo ek Medba. Moab pe plennyen. Zot tou, zot in raz zot latet; zot tou, zot in koup zot labarb.

Ezai 26:10

Menm si ou annan pitye pour bann malfeter, zot pa aprann pratik lazistis. Dan pei kot lazistis i ganny pratike, zot azir an malonnet e zot pa war ou grander, SENYER.

Ezai 29:1

Maler lo Ariel! Ariel, lavil ki David ti atake! Ou kapab selebre tou festival lannen apre lannen.

Ezai 3:24

Loder pouritir pou ranplas loder lesans; en lakord pou ranplas en sang. Latet kler pou ranplas bann lanmod pennyen avek ekstravagans; lenz dey pou ranplas bann lenz lafet; laont dan plas labote.

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Ezai 37:1

Kan lerwa Ezekyas ti antann sa rapor, i ti desir son lenz; i ti kouver li dan lenz dey e al dan tanp SENYER.

Ezai 37:2

I ti anvoy Elyakim, sef pale, Sebna, sekreter e bann pret pli aze kot profet Ezai, garson Amoz. Zot osi, zot ti kouver zot dan lenz dey.

Ezai 58:3

Akfer nou fer en zenn si ou pa war nou? Akfer nou imilye nou, si ou pa pran ka? Zour zot fer en zenn, zot rod zot prop lentere e zot kraz tou zot bann travayer.

Zeremi 16:6

Ris koman pov, pou mor dan sa pei. Personn pou anter zot oubyen met dey. Personn pa pou sizle son lapo, ni raz son latet pour montre son lapenn.

Zeremi 16:8

Pa osi antre dan en lakaz kot dimoun pe fete. Pa asiz avek zot pour ou manze e bwar.

Zeremi 4:8

Pour sa rezon, met zot lenz dey; plere, lamante, akoz SENYER pe devers son gran lakoler lo zot.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Ezekyel 27:31

Akoz ou, zot pou raz zot latet e met lenz dey. Zot pou kriye e lamante akoz ou.

Danyel 5:1

Lerwa Baltazar ti donn en gran festen pour 1,000 parmi son bann gran zofisye. I ti bwar diven dan prezans son bann envite.

Oze 9:1

Izrael, pa bezwen rezouir! Aret selebre parey lezot nasyon. Ou'n tonm dan prostitisyon lwen avek ou Bondye e ou'n pran larzan partou kot ou bat dible.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:8

Lamante zot tou, parey en zenn fiy an dey ki pe pler lanmor son zenn fiyanse.

Zoel 2:12

La sa ki SENYER i deklare: Retourn kot mwan avek tou zot leker: Zennen, plere, lamante.

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Zonas 3:6

Kan lerwa Niniv ti tande sa ki ti pe pase, i ti leve lo son tronn, tir son lenz rwayal, e met lenz dey li osi e asiz lo lasann.

Mise 1:16

Zabitan Zerizalenm! Raz ou latet, koup ou seve, akoz ou bann zanfan byenneme. Fer ou latet sov parey en leg, akoz zot pe ganny anmennen annegzil lwen avek ou.

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.