Ezai 22:11 - Labib An Kreol Seselwa

¹¹ Ou ti fer en basen ant sa de miray pour anmas delo sorti dan vye rezervwar. Me ou pa'n tourn ou lizye ver sa enn ki'n fer tousala. Ou pa'n mazin sa enn ki'n prepar tousala depi byen lontan.

Ezai 22:11 ပူးပေါင်းရင်းမြစ်များ

2 Rwa 20:20

Leres bann aksyon Ezekyas e tou son kouraz, ki mannyer i ti konstri en rezervwar e fer bann kondwit pour anmenn delo dan lavil, tousala in ganny ekri dan liv Listwar bann lerwa Zida.

2 Rwa 25:4

Alor, en trou ti ganny ouver dan miray lavil. Lerwa avek tou son bann gerye ti sove dan lannwit par laport ki ti ant sa de miray kot zarden lerwa, menm si bann Babilonyen ti ankor otour lavil. Zot ti sov dan direksyon Araba.

2 Kronik 6:6

Me mon ti swazir Zerizalenm, pour manifeste mon prezans. Me mon'n swazir David, pour gouvern mon pep, Izrael.

Nehemi 3:16

Apre li, Nehemi, garson Azbouk, sef lanmwatye distrik Bet-Sour, ti travay depi kot bann tonbo David, ziska basen artifisyel ek lakaz bann gerye.

Ezai 17:7

Sa zour, lepep pou tourn son regar ver son Kreater e zot lizye pou war Bondye Sen Izrael.

Ezai 22:10

Ou ti konte konbyen lakaz i annan dan Zerizalenm; ou'n demoli bann lakaz pour ranforsi bann miray.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 37:26

Eski ou pa ti konnen ki mon'n fer tousala depi lontan? Depi lontan, mon'n fer plan sa ki mon pe realize aprezan pour fer ou kraz bann lavil fortifye e fer zot vin en ta debri.

Ezai 7:3

SENYER ti dir Ezai: Sorti, al rankontre Akaz. Pran ou garson Sear-Yasoub avek ou. Ou ava war li dan bout kanalizasyon ki lo rezervwar siperyer, lo semen ki al kot laplenn, kot dimoun i tal lenz.

Ezai 8:17

Mon pou esper SENYER, i'n detourn li avek desandan Zakob. Mon pou met mon lespwar dan li.

Zeremi 39:4

Kan Sedesyas ek son bann gerye ti war sa ki pe pase, zot ti esey sove dan lannwit. An pasan par laport ant sa de miray, zot ti al dan zarden rwayal dan direksyon Araba.

Mise 7:7

Mwan, mon pou tourn ver SENYER, mon pou esper Bondye, mon sover. Mon Bondye pou antann mwan.