Ezai 21:9 - Labib An Kreol Seselwa

⁹ Gete! La zot vini, de par de, lo seval! I ti reponn: Babilonn in tonbe! Babilonn in tonbe! Tou son bann zidol ki zot adore in fannen ater.

Ezai 21:9 ပူးပေါင်းရင်းမြစ်များ

Ezai 13:19

Babilonn! Sa pli zoli lavil dan rwayonm, lafyerte bann Babilonyen, pou vin parey Sodonm ek Gomor zour Bondye ti detri zot.

Ezai 14:4

ou ava sant sa sanson lo lerwa Babilonn: Ki'n arive avek sa diktater? Son larogans in disparet? I nepli kapab ensilte?

Ezai 2:18

Tou bann zidol pou disparet.

Ezai 21:7

I ava port latansyon, bokou latansyon, ler i war bann kavalye vini, par per, lo seval, lo bourik, lo samo.

Ezai 47:5

Bann fiy Babilonn! Asiz an silans dan fernwanr. Zot pou nepli ganny apele: Larenn bann Rwayonm.

Ezai 47:9

Sa de keksoz pou tonm lo ou en sel kou dan en sel zour: Ou pou perdi zanfan ek vin vev. Sa pou tap ou avek tou son lafors. Tou ou sorsye ek tou ou mazisyen pa pou anpes sa arive.

Ezai 48:14

Rasanble e ekoute zot tou! Lekel parmi zot ki'n deza anons tousala? Sa enn ki SENYER i kontan pou realiz sa ki i'n deside kont Babilonn e son lebra pou leve kont bann Babilonyen.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 50:38

Lasesres kont son bann larivyer! Fer zot vin sek! Sa pei i ranpli avek bann stati ki fer per e ki'n bat latet bann zabitan.

Zeremi 50:42

Zot lev bann fles ek bann lans; zot kriyel e san pitye. Tapaz ki zot fer lo zot seval e parey en lanmer dan move tan. Zot in pare pour atak ou, Babilonn ki zoli.

Zeremi 50:9

Mon pe soulev en group bann gran nasyon for sorti dan pei Nor. Mon pour anvoy zot atak Babilonn. Zot pou pran zot pozisyon pour latak e zot pou kaptir lavil. En konbatan adrwa ki viz byen, pa zanmen mank son mark. En konbatan adrwat ki viz byen pa zanmen mank son mark.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:44

Mon pour pini Bel, bondye Babilonn. Mon pou fer li rann tou sa ki i'n vole. Bann nasyon pa pou ador Bel ankor. Miray Babilonn in tonbe.

Zeremi 51:47

Sa zour pe vini kan mon pou azir kont bann fo bondye ki dan Babilonn. Pei antye pou dan laont. Lekor tou bann zabitan ki'n ganny blese anmor pou tale ater partou dan pei.

Zeremi 51:52

Alor, la sa ki SENYER i deklare: Sa letan pe vini, kan mon pou pini bann fo bondye ki dan Babilonn. Tapaz dimoun blese ki pe plennyen pour ganny tande partou dan pei.

Zeremi 51:64

Ou ava dir: Konmsa ki Babilonn pou koule. I pou koule e i pa pou zanmen leve ankor, akoz bann pinisyon ki mon pe fer vin lo li. Bann parol Zeremi i fini la.

Zeremi 51:8

En sel kou, Babilonn in tonbe e in ganny detri. Sant bann kantik dey lo li. Met en kataplas lo son boubou; kekfwa i ava kapab ganny geri!

Revelasyon 14:8

En lot lanz, en dezyenm, ti swiv sa premye lanz. I ti dir: I'n tonbe! I'n tonbe! Gran Babilonn in tonbe! I'n fer tou nasyon bwar son diven, diven lakoler son limoralite!

Revelasyon 18:2

I ti kriye avek en lavwa for: I'n tonbe! Gran Babilonn in tonbe! I'n vin landrwa reste pour bann demon, en landrwa reste pour tou bann lespri enpir; en landrwa kot tou kalite zwazo enpir e degoutan i reste.

Revelasyon 18:21

Alor, en lanz pwisan ti pran en gro ros ki i ti zet dan lanmer. I ti dir: La ki mannyer sa gran lavil Babilonn pou ganny zete avek menm vyolans. Personn pa pou trouv li ankor.