Ezai 21:8 - Labib An Kreol Seselwa

⁸ Alor sa santinel ti kriye: SENYER! Mon debout tou lazournen; mon pe veye lo mon tour. Mon lo post pe veye tou lannwit.

Ezai 21:8 ပူးပေါင်းရင်းမြစ်များ

2 Kronik 20:24

Ler bann Zideen ti ariv dan landrwa kot zot ti kapab war dezer, zot ti rod lennmi, me zot ti war zis kadav partou ater; ti napa okenn sirvivan.

Psonm 127:1

Si SENYER pa konstri lakaz, bann konstrikter i travay anven. Si SENYER pa gard lavil, bann gardyen i vey anven.

Psonm 63:6

Ler mon alonze lo mon lili, mon mazin ou. Mon pas tou lannwit mazin ou,

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 50:44

Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.