Ezai 21:4 - Labib An Kreol Seselwa

⁴ Mon'n perdi larezon; mon tranble avek lafreyer. Mon ti esper lannwit vini me aprezan, i fer mwan per.

Ezai 21:4 ပူးပေါင်းရင်းမြစ်များ

1 Rwa 1:49

Tou bann envite Adoniya ti per; zot ti leve e zot ti al sakenn son kote.

Ester 5:12

I ti azoute, “Menm larenn Ester pa'n envit personn apard mwan, dan festen ki i'n prepare pour lerwa. I'n envit mwan demen ankor, avek lerwa.

Psonm 55:5

Mon vreman per e mon tranble; lafreyer lanmor in sezi mwan.

Psonm 55:6

Alor mon dir: Si mon ti annan lezel en pizon, mon ti ava anvole pour rod en landrwa repo.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 51:39

Pour satisfer zot gran lapeti, mon pou prepar en gran festen pour zot, kot zot ava bwar ziska ler zot pou sou. Kan zot ava al dormi, zot pa pou zanmen leve, SENYER i deklare.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Danyel 5:1

Lerwa Baltazar ti donn en gran festen pour 1,000 parmi son bann gran zofisye. I ti bwar diven dan prezans son bann envite.

Danyel 5:30

Pandan sa lannwit ki ti swiv, Baltazar, lerwa Babilonn ti ganny touye.

Danyel 5:5

Deswit, bann ledwa en lanmen imen ti aparet e ti konmans ekri lo miray pale rwayal, anfas avek lalimyer portlanp. Lerwa ti war sa lanmen ki ti pe ekri.

Nahoum 1:10

Annefe, zot in vin parey brousay avek pikan ki'n anpaye. Zot in soule avek labwason. Zot pou ganny konpletman brile parey lapay sek.

Deterononm 28:67

Akoz sa lafreyer ki ou leker pou resanti e akoz sa ki ou lizye pou war, bomaten ou pou dir: Si selman aswar ti'n fer! Aswar ou pou dir: Si selman lizour ti'n fer!

Deterononm 32:11

parey en leg ki vey lo son nik, e anvole par lao son bann piti. I depliy son lezel, pran zot e anmenn zot anba son proteksyon.